Tanzania yamuaga kwa shangwe Rais Barack Obama wakati anaondoka leo kuelekea nchini kwao Marekani

Na Rahimu Kambi, Dar es Salaam

RAIS wa Marekani, Barack Obama, ameondoka muda mchache kuelekea nyumbani kwao, huku akiacha historia katika mataifa haya mawili, Tanzania na Marekani.

 

Kwaheri na karibu tena Tanzania Rais Barack Obama.

Rais Jakaya Kikwete akiwa na mgeni wake Rais Barack Obama wa Marekani aliyeondoka leo kurudi nchini kwao baada ya kumaliza ziara yake ya siku za mbili nchini hapa.

Akiwa Uwanja wa Ndege, Obama ameagwa na Rais Jakaya Mrisho Kikwetee, ambaye ndio mwenyeji wake na kuacha ardhi ya Tanzania iliyomlaki kwa furaha za aina yake.

Gari la Barack Obama likiwa na walinzi.

Tangu jana alipowasili, Rais Obama alikuwa ni mwenye furaha tele moyoni mwake, huku saa zote akiachia tababu lake, sanjari na mke wake, Michelle aliyeambatana na watoto wao wawili.

Kubwa la kusisimua ni namna gani ulinzi uliimarishwa kwa ajili ya kuhakikisha Obama anakuja na kuondoka salama, wakati ujio wake haukupokewa kwa shangwe na Wakenya, wakiwamo wafanyabiashara wao wawili waliosusia mwaliko wa kukutana na Obama kujadili mambo ya kibiashara.

Mara baada ya kuwasili Uwanja wa Ndege, akitokea Ubungo alipokwenda kuangalia shughuli za ufuaji wa Umeme kutoka Kampuni ya Symbion, Obama na Kikwete waliangalia ngoma za vikundi mbalimbali vilivyompa burudani ya aina yake.

Rais Obama aliwasili jana Tanzania katika ziara ya siku mbili ya kikazi, ambapo pia ujio wake ulitokea nchini Afrika Kusini baada ya kutokea pia nchini Senegal.

Sera kubwa aliyojivunia Obama na Kikwete katika ziara yao ni kuhakikisha kuwa Afrika na Tanzania kwa ujumla inatumia vyema program za umeme kwa ajili ya maendeleo yao.