PATCHO MWAMBA:"WAO ZAO KUONGEA MIMI KAZI TU...KARIBUNI NITAKUJA KUWA SURPRISE!!!

Na Fadhili Athumani, Moshi

07, Desemba

MSANII anayefanya vizuri katika Tasnia ya Bongo Movie, Patcho Mwamba, amesema uvumi unaoenezwa kwamba ameanza kupoteza muelekeo katika tasnia hiyo kutokana na kuwa kimya kwa muda mrefu ni kelele za chura ambazo yeye binafsi hazimzui kunywa maji na kusisitiza Patcho atabaki kuwa Patcho.

“Kuna watu wanasema kuwa Patcho alikuwa anabebwa na the Great, wengine wanasema Patcho ameishiwa, watashangaa tena watashangaa sana, kuna kazi za watu nazimalizia na mara baada ya hapo natarajia kutoa saprize kwa mashabiki ya Patcho,” alisema Patcho

Akizumzungumzia Marehemu Steven Kanumba, Patcho alisema katika Tasnia hii ya Bongo Movie hakuna mtu wa kufafananishwa na Marehemu na kusisitiza kwamba hata angeambiwa atunge mashairi ya kumsifia Kanumba kwa jinsi anavyomfahamu, asingeweza kumaliza sifa za Kanumba.

“The Great atabaki tu kuwa the great, kwa Afrika sioni mtu kama yeye na hakuna mtu ya kufanana na Kanumba, kuna mengi sana ya kuzungumza kuhusu swaiba lakini hata nikiambiwa nitunge mashairi siwezi maliza sifa zake, Kanumba acha tu,” alisema Patcho

Patcho Mwamba kwa kuonesha mapenzi yake na heshima yake kwa Kanumba, bado hakusita kumwagia msanii huyo nguli wa Bongo Movie aliyefariki Aprili 14 mwaka huu, na alipopanda jukwani Patcho aliwaliza washabiki pale alipokuwa akiimba wimbo mpya wa bendi hiyo wa Maisha na kusema hakuna rafiki wa kudumu hapa duniani wala adui wa kudumu huku akimtaja Kanumba kila mara.

 Patcho aliyasema hayo juzi mjini hapa alipozungumza na Mtanzania muda mfupi kabla ya kupanda jukwani na bendi yake ya FM academia iliyo chini ya uongozi wa “Prezda” Nyoshi el Saadat katika onesho la kukata na shoka waliyopiga katika ukumbi wa Aventure Moshi.

Patcho alisema ukimya wake unamaana kubwa na hivi karibuni wale wote wanao eneza uvumi huo watashangaa kwani kwa sasa kuna kazi za watu aliyoshirikishwa anazozimalizia na mara baada ya hapo pamoja na kubanwa na kazi za kutangaza staili mpya bendi yake kuna filamu ziko jikoni ambazo anategemea kuzingiza sokoni mapema mwakani.

Mbali na sanaa ya uigizaji Patcho Mwamba, aliyeibuliwa na Marehemu Kanumba, pia ni mwanamuziki na muimbaji wa kutumainiwa katika bendi ya FM academia “wazee wa Ngwasuma” na baadhi ya kazi alizowahi kufanya katika tasnia ya filamu ni pamoja na Uncle JJ, Young Billionaire, Devils Kingdom na nyingine nyingi.