Freeman Mbowe arusha kombora wilayani Muheza, mkoani Tanga juu ya udhaifu wa serikali ya CCM

Na Jumaa Mussa, Muheza

MWENYEKITI wa Chama Cha Demokrasia na Maendeleo (Chadema), Freeman Mbowe, ameijia juu serikali kwa madai kuwa inajiendesha kwa hasara, sambamba na kutumia Trilioni 2.8 za makusanyo ya kodi za ndani za wananchi kwa ajili ya Shirika la Umeme Tanzania TANESCO.

Mwenyekiti wa Chadema Taifa, Freeman Mbowe

Mbowe aliyasema hayo wilayani Muheza, mkoani Tanga jana, alipokuwa katika safari za kichama akifunga kampeni za uchaguzi wa udiwani zilizofanyika katika Kata ya Genge Wilayani Muheza Mkoani Tanga.

Alisema fedha hizo zinatumika katika kuendeshea mitambo ya shirika hilo kuwalipa makampuni yanayozalisha umeme pamoja na kununua mafuta mazito kwa ajili ya kueneshea mitambo ya kuzalishia nishati hiyo hapa nchini.

Mbowe alisema kwa siku moja pekee Shirika hilo hutumia sh Bil 5.4 kwa ajili ya kununua mafuta mazito ya kuendeshea mitambo ya kuzalisha umeme ambao umeme huo unazalishwa na makampuni binafsi, huku akisema fedha hizo zinatumika vibaya bila kuwa na akili za kuliongoza Taifa lenye changamoto za kila aina.

"Hii sio seerikali na inapenda kujiendesha kwa hasara kila siku ya Mungu, maana kumekuwapo na mianya ya utafunaji wa fedha za umma bila sababu za msingi, hivyo lazima wananchi tujuwe kuwa huu ni mwisho wao na hatuwezi tena kuwa wajinga,” alisema Mbowe.

“Nashangazwa na serikali hii isiyosikivu tunatumia kodi za wananchi katika kulipa makampuni yatuzalishie umeme wakati vipo vyanzo vya uhakika vya maji ambavyo vinagharama nafuu vinaachwa.

“Wananchi wa Muheza mnakazi moja tuu ya kukiondoa chama cha Mapinduzi CCM madarakani ili muweze kuunganisha nguvu za maendeleo zuinazofanywa na CHADEMA katika mikoa mingine nchi kwa sasa,” alisema Mbowe.

Mgombea wa udiwani kwa tiketi ya Chadema ni Josepha Komba, huku akiwataka watu watakubali mabadiliko ya uongozi katika kata hiyo kwa kumpa nafasi ya kushinda katika Uchaguzi huo.