Vijana kuula zaidi Coastal Union

Kikosi cha vijana wa Coastal Union

Na Mwandishi wetu, Tanga

Uongozi wa timu ya Coastal Union B imefungua milango kwa vijana

wanaotaka kujiunga na timu hiyo ya vijana chini ya miaka 20

kujitokeza ili kufanyiwa majaribio.

Akitoa taarifa hizo meneja wa timu ndogo Abdulrahman Mwinjuma

‘Ubinde’ mjini Tanga jana amesema kwakuwa timu ya Coastal Union

B ilionyesha mafanikio makubwa katika michuano ya Uhai mwishoni

mwa mwaka jana kwa kumaliza nafasi ya pili hivyo wachezaji saba

wamepata nafasi katika kikosi cha timu kubwa.

“Mazoezi yanaanza siku ya jumatatu asubuhi tarehe 14 Januari

mwaka huu katika uwanja wa Gymkhana mjini hapa (Tanga), chini ya

kocha wake mkuu Bakari Shime ambae pia alichaguliwa kuwa kocha

mkuu katika michuano ya Uhai.

“Timu ina upungufu wa wachezaji saba ambao walipandishwa kikosi

kikubwa kinachojiandaa na mzunguko wa pili wa ligi kuu Tanzania

bara, kijana yeyote ambae ana umri chini ya miaka 20 akitaka

kufanyiwa majaribio awasiliane na mimi kwa namba (0654851612)

ama aje katika klabu ya timu iliyo barabara ya 11 Tanga,”

alisema Ubinde.

Wachezaji saba ambao walipanda timu kubwa ambayo wiki iliyopita

ilikuwa Zanzibar kushiriki michuano ya kombe la Mapinduzi na

kutolewa katika hatua ya makundi ingawa haikupoteza mchezo hata

mmoja ni; aliekuwa golikipa bora wa michuano ya Uhai Mansour Mansour, AbdiBanda, Ally Nassor, Hussein Twaha ‘messi’, Hamad juma, Nzara

Ndaro, na Ramadhan Shame ‘Batista’.