Twanga Pepeta kufanya mambo Harbours Ijumaa

Kikosi cha maangamizi cha Twanga Pepeta

Na Mwandishi Wetu, Dar es Salaam

BENDI ya muziki wa Dansi Tanzania, African Stars Band Twanga Pepeta Ijumaa hii wtafanya bonge la shoo kwa ajili ya kuukaribisha mwaka huu wa 2013, litakalofanyika katika Ukumbi wa Harbours uliopo Kurasini.

Meneja wa Twanga Pepeta, Hassan Rehani, alisema onyesho hilo litaanza saa tatu usiku na maandalizi yake yamekwisha kukamilika kinachosubiriwa ni muda tu ufike ili burudani ipate kutolewa. 

Katika onyesho hilo Twanga Pepeta itatambulisha mitindo yake mbalimbali pamoja na nyimbo zake mpya tano zinazotarajiwa kuwemo katika albamu yake ya 12 ya Bendi hiyo itakayozinduliwa baadaye mwaka huu.

Nyimbo hizo ni “Shamba la Twanga” iliyotungwa na Grayson Semsekwa, “Nyumbani ni Nyumbani” iliyotungwa na Kalala Jr, “Ngumu Kumeza” umetungwa na Mirinda Nyeusi, “Kila Nifanyalo” umetungwa na Juma Said au J4 na “Mwenda Pole” uliotungwa na Badi Bakule.