Na Kambi Mbwana, Dar es Salaam
Muziki aina ya mnanda ni kati ya aina ya muziki uonekanao ni
wa kihuni. Ingawa upo muziki wa Bongo
Fleva ambao nao unaitwa wa kihuni miaka ya 2005 kushuka chini, ila huu wa
mnanda umezidi. Na kuonekana kwake ni muziki wa kihuni unatokana na aina ya
mashabiki wake na jinsi wanavyojiweka. Muziki wa mnanda una nguvu sana. Unapopigwa mtaani, basi
unaweza kukuta mashabiki wake wametoka Bagamoyo na maeneo mengine ya mbali
kabisa. Na idadi kubwa ya watu hao ni wale wanaojihusisha na vitendo vya uhuni.
Kwa mfano, ni rahisi kuona mtu anakwenda kuangalia muziki huo mtaa Fulani huku
akiwa na burungutu la bange au dawa nyingine za kulevya.
Na wadau hao hutumia hadharani. Kwa wanaofuatilia muziki huu
watakubaliana na mimi, hususan katika ngome za muziki huu kama vile Tandale,
Mwananyamala, Kigogo, Mbagala na kwingineko unapopita mara kwa mara
wanapoalikwa vijana hawa. Binafsi ni aina ya muziki niupendao sana. Naupenda mno
muziki wa mnanda. Na kuupenda kwangu kumetokana na jinsi ya uimbaji wao.
Wasanii wanaoimba muziki wa mnanda wa asili ni wenye vipaji kupita kiasi. Aidha
licha ya kufanya kazi zao katika wakati mgumu hususan uhaba wa vyombo vya
muziki, lakini nyimbo zao huwa nzuri sana.
Huyu ni mmoja wa wapiga vyombo wa muziki aina ya mnanda. Anaonekana anapiga kisturi.
Unaweza kushangaa kwenye shughuli wanakuja na spika ndogo,
kinanda kidogo na hutegemea kuazima meza, kisturi au vinginevyo ili kupiga na
kuchanganyia muziki wao. Katika video ya wimbo uitwao Mwana wa Kitwana kutoka
kwa kundi la Jagwa Music watakubaliana na mimi. Ni wimbo mzuri na video
iliyochangamka sana. Katika video hiyo marehemu Sharo Milionea amecheza kama
Mwana wa Kitwana ambaye ni masikini, lakini anampenda msichana mzuri aitwae
Jokate Mwigelo. Na Jokate pia anapendwa na Yusuf Mlela, anayeonyesha kuwa
anajimudu kiuchumi.
Jamaa hawa wanavutana sana, lakini mwisho wa siku Sharo
milionea anaonekana kushinda vita hii, kwa sababu msichana mwenyewe anampenda.
Mashairi yanasisimua, hasa pale msanii anaposema “umenifanya niwe jasiri mbele
yao sasa mimi ni jabali”. Kuna sehemu pia anasema, “umeonyesha huwa mind na
tena hauna mpango nao”. Pia mwanzo
alionyesha hofu kidogo pale alisema kwamba mwanzo wa mapenzi yao waliamua kufanya
iwe siri, hii ni kwa sababu mapenzi yao yalizunguukwa na vikwazo vingi, hususan
ugumu wa maisha. Jagwa wanasema, “Moja ya vikwazo choka mbaya na hali duni
niliyokuwa nayo mimi ohoo”. Baada ya kulalamika sana, akilalamikia upendo wake
na ugumu wake wa maisha, anaingiza maneno matamu yenye kutia moyo kwamba
hatokatishwa tamaa, bali atakaza uzi mpaka awe pamoja na mrembo huyo.
Ni mashairi mazuri ya ushindi. Mtu anapokuwa anafuatilia
msichana mzuri, lazima kuwe na changamoto kadhaa. Hii ni kwa sababu vizuri
vinapendwa na wengi. Omba sana Mungu.
Pia jaribu kuchunguza, unayempenda ana ndoto na wewe? Katika kuchunguza upendo
wako, usiangalie hali yako ya mfukoni, ila angalia thamani ya moyo wako. Katika kusikiliza wimbo huu, najifunza mengi sana. Lakini
pia nafarijika mno. Je, umewahi kupata muda wa kuhudhuria shoo za muziki wa
aina ya mnanda? Mimi nimewahi, ni muziki mzuri mno unaovutia kusikiliza hata
kuangalia wanavyocheza wahusika. Mnanda bwana, hata ukiruka ruka kachura
umekwenda na biti. Ukichuchumaa na kulia, inapenda zaidi.
Ukikimbizana na
mwenzako ndani ya eneo la muziki huo ndio kwanza inapendeza. Wengine wanacheza
taratibu kama hawataki vile, aisee acha tu. Tatizo lao ni moja tu. Wengi
wanaona bila kulewa bange au gongo hawajacheza. Na wale wengine ndio kabisa,
hatari. Wenzao wanacheza wao wapo vichochoroni wanakaba wapiti njia, kisa, wapo
kwenye mnanda. Hii haikubaliki. Wadau wa mnanda tuambiane. Kila mmoja awe
mlinzi wa muziki huu. Tuhamasishane kuhakikisha kwamba tunafanya uhuni wetu nje
ya muziki wa mnanda na sio ndani yake.
Tukifanya hivyo, muziki wetu utasonga mbele. Hebu pata muda
wa kuyasoma mashairi ya wimbo huu wa Mwana wa Kitwana uone utamu wake.
…………………..Muziki uonekanao wa kihuni, wenye mashairi mazito
na ujumbe wa kutisha
Tumelazimika tufanye siri na mimi na wewe demu ohoo
Tumelazimika tufanye siri mimi na wewe demu ohoo
Katika haya mapenzi yetu yaliyozungukwa na vikwazo vingi
ohoo
Katika haya mapenzi yetu yaliyozungukwa na vikwazo vingi
ohooo
Moja ya vikwazo choka mbaya na hali duni niliyokuwa nayo
mimi ohoo
Moja ya vikwazo choka mbaya na hali duni niliyokuwa nayo
mimi
Sitokatishwa tamaa mimi ohooo mwana wa kitwana nitakaza uzi
mpaka tuwe pamoja
Sitokatishwa tamaa mimi ohoo mwana wa kitwana nitakaza uzi
mpaka tuwe pamoja
Mimi na wewe, najua wapo wela wela wanaotutolea macho
najua wapo wela wela
wanaotutolea macho
Mimi naomba tuwapotezee hao, sitokatishwa tamaa
Mimi ohoo mwana wa kitwana, nitakaza uzi mpaka tuwe pamojaaa
Ubeti wa pili
ulivipuuza vishawishi vya wale wenye pesa
Ulivipuuza vishawawishi vya wale wenye pesa
Umeonyesha huwa mind na tena hauna mpango nao
Umenionyesha huwa mind na tena hauna mpango nao
Umenifanya niwe jasiri mbele yao sasa mimi ni jabali
Umenifanya niwe jasiri mbele yao sasa mimi ni jabali
Sitokatishwa tamaa mimi ohoo mwana wa kitwana nitakaza uzi
mpaka tuwe pamoja
Sitokatishwa tamaa mimi ohoo mwana wa kitwana nitakaza uzi
mpaka tuwe pamoja
Twende kazi, nachoma sana, mwanamume hasifiwi kula bwana
Weka ndoo kinga ndoo
Meneja Kwame, tupo pamoja na wewe, mwanzo mpaka mwisho
Eheeeeee Eheeeeee, habari ndiyo hiyo, habari ndiyo hiyo
Wafile wantu wasigale wantu
Waliokufa watu tumebakia watu ehee
Na watu ndio kama sieeee
Kila shetani ana mbuyu wake na kila ndege hutua kwenye mti
wake
Kila shetani ana mbuyu wake na kila ndege hutua kwenye mti
wake
Mimi na wewe, mimi na wewe ahaaaa
Sitokata tamaa, sitokata tamaaa ahaaa
Mimi na wewe, mimi na wewe ahaaaa
Sitokata tamaa, sitokata tamaaa ahaaa
Moja, mbili, tatu, ahaaa
Nyie wa wapi, sie wa hapa hapa
Mnapatikana wapi, tunapatikana Mwananyamala
Twende kaziiiiiiiiiiii, Olalaa, cheza cheza, cheza, choma
choma
Wazee wa kuchoma, choma sasa
Bakora bado zinaendelea, hata wakinuna, tunacharaza tu
Moja, mbili, tatu
0712 053949
No comments:
Post a Comment