Msiba wa Ofisa Habari wa Bunge, Ernest Zulu wazua utata, ndugu waanza kuvutana kabla ya maziko yake

Na Kambi Mbwana, Dar es Salaam

HALI ha hatari imejitokeza katika msiba wa Ofisa Habari wa Bunge, Ernest Zulu, baada ya jana usiku kutokea mvutano kutokana na upande mmoja kalazimisha aende kuzikwa kwao Songea, huku watoto wakitaka azikwe jijini Dar es Salaam.

Marehemu Ernest Zulu kulia enzi za uhai wake.

Kabla ya kifo chake, marehemu alitoa usia kuwa akifa basi azikwe jijini Dar es Salaam alipozikwa motto wake wa kwanza, hata hivyo kaka wa marehemu, Emmanuel Zulu, amekuja juu akitaka mdogo wake akazikwe nyumbani kwao.

Kifo cha Mangwea chatikisa nchi, mipango ya kuleta mwili wake yawekwa

Na Kambi Mbwana, Dar es Salaam

MAJONZI. Kifo cha msanii wa muziki wa kizazi kipya akiwa nchini Afrika Kusini, Albert Mangwea, kimeendelea kutikisa vichwa vya watu wengi hapa nchini, huku Shirikisho la Muziki Tanzania likitoa tamko kwa mara ya kwanza.

Mangwea enzi za uhai wake

Wasanii mbalimbali, akiwamo Mrisho Mpoto, Afande Sele na wadau wengine kila mmoja anaelezea kwa mtazamo wake kifo cha Ngwea kilichotikisa hisia zao.

Lwakatale wa Chadema aendelea kushikiliwa, kusota rumande zaidi

 

MKURUGENZI wa Ulinzi na Usalama wa Chama Cha Demokrasia na Maendeleo (Chadema), Wilyfred Lwakatale, ameendelea kusota rumande baada ya kutakiwa kufika tena mahakamani Juni 10 mwaka juu.

Wizi wa kazi za wasanii ni wimbo mtamu unaochosha masikioni

Na Kambi Mbwana, Dar es Salaam

WAHENGA wana msemo wao, fisi akiwa hakimu, mbuzi sheria hana. Chochote atakachofanya, uamuzi lazima uwe mgumu kwake, ukizingatia kuwa anayemhukumu ni adui yake.

 Diamond

 Dayna na Kalajelemia

Ally Choki, mwanamuziki wa dansi

Nimeamua kuutumia msemo huu ili kutetea hoja yangu ninayopanga kuielezea katika makala haya, hasa kuangalia wimbo wa wizi wa kazi za wasanii unavyoendelea kuimbwa kila siku ya Mungu.

Kesi ya Lady Jay Dee yarushwa hadi Juni 13 mwaka huu

 

                                                   Lady Jaydee

MWANADADA Judith Wambura, maarufu kama Lady Jay Dee, amepangiwa tena kurudi katika Mahakama ya Kinondoni, Juni 13 mwaka huu.

Hii ni kwa mujibu wa msanii huyo ambaye aliingia kwenye mtandao na ku-twitter kwa ajili ya kuwahabarisha mashabiki wake wanaofuatia kesi hiyo iliyofunguliwa hivi karibuni.

Kesi hiyo ilifunguliwa na Kampuni ya Clouds Media Group, chini ya Wakurugenzi wake, Joseph Kusaga na Ruge Mutahaba.

Ngassa na hadithi ya wamoja havai mbili?

SIWEZI KUVUMILIA

Na Kambi Mbwana, Dar es Salaam

WASWAHILI wana msemo wao maarufu unaosema kuwa siku zote wa moja havai mbili. Msemo huu kama ni uongo, basi upo karibu na ukweli. Binafsi nauamini msemo huo nikiorodhesha na matukio yetu kwenye jamii.

Mrisho Ngassa, akiwa kwenye jezi ya timu ya Taifa, Taifa Stars

Matukio ambayo yanaendelea kutokea na kutuacha tunajiuliza maswali kede kede, ukizingatia kuwa kila mtu ana maoni na mtazamo wake. Mapema wiki iliyopita, aliyekuwa mshambuliaji wa Simba, Mrisho Ngassa alitambulishwa kwenye uongozi wa Yanga, kuwa amesajiliwa kwa ajili ya kukipiga kwenye timu hiyo msimu ujao wa ligi.

Nyumba nzuri, ipo Tandika Maghorofani, Temeke inauzwa bei sawa na bure

 SURA YA MBELE

 SEBULENI

 DINING ROOM

NYUMBA ILIYOPO MAENEO YA TANDIKA MAGHOROFANI, TEMEKE INAUZWA KWA BEI SAWA NA BURE NA HAUTOAMINI BEI YAKE ....

NYUMBA INA VYUMBA VITATU VYA KULALA, CHUMBA CHA KUPUMZIKIA - SEBULE (SITTING ROOM), CHUMBA CHA MAAKULI (DINING ROOM), CHOO, STOO NA KIBARAZA CHA KUJINAAFASI.

KAMA HAITOSHI NYUMBA INA TILES, GYPSUM IMEPIGWA YA KISASA, NYUMBA IPO BARABARANI KABISA NA INAFAA KWA MATUMIZI YA FREMU.

NYUMBA IPO KWENYE KIWANJA CHA KUPIMWA NA SERIKALI NA KINA HATI MILIKI .....

KWA WANUNUZI WA UHAKIKA (SERIOUS BUYERS) WAPIGE SIMU NAMBA +255 (0) 767 488622

Extra Bongo: Tunajipanga upya kiburudani

Na Kambi Mbwana, Dar es Salaam

BENDI ya Extra Bongo, maarufu kama Next Level, Wazee wa Kiziguo, imesema kuwa baada ya kusukiwa zengwe katika viwanja vya Garden Breeze, Magomeni, sasa wanajipanga kutafuta sehemu nyingine ili kuendeleza bonanza lao kwa ajili ya kuwapa burudani mashabiki wao.

Ally Choki, Mkurugenzi wa Extra Bongo

Akizungumza jijini Dar es Salaam, mapema wiki hii, Mkurugenzi wa Extra Bongo, Ally Choki, alisema kuwa sehemu hiyo ikipatikana wataendelea na bonanza lao la kila Jumapili.

Niyonzima: Siwezi kucheza soka Simba

Na Kambi Mbwana, Dar es Salaam

KIUNGO wa timu ya Yanga, Haruna Niyonzima, amesema kwamba amekosa kabisa hamu ya kukipiga katika klabu ya Simba, ndio maana aliweza kuwakatalia akijua kuwa bado ana lengo la kuendelea kuwa mwajiriwa wa Jangwani.

 Haruna Niyonzima katikati akiwa na viongozi wa Yanga

Diamond: Hata mimi huwa naachwa na wapenzi

Asifia nidhamu ya mpenzi wake mpya Penny

Na Kambi Mbwana, Dar es Salaam

MKALI wa muziki wa kizazi kipya, maarufu kama Bongo Fleva, Nassib Abdulmalick (Diamond) ni mmoja kati ya vijana wanaoendelea kuchanua na kulitafuta soko la Kimataifa.

Diamond, Mwimbaji wa Bongo Fleva Tanzania

Kila kona za Tanzania jina lake huwa mbele, hivyo kuonyesha kuwa msanii huyo hana mpinzani. Diamond ametoa vibao motomoto kama vile Mbagala, Nataka Kulewa, huku kwa sasa akiwa juu kutokana na wimbo aliyoshirikishwa na Ney wa Mitego, Muziki Gani.

Yanga yatamba Simba itaishia kunawa msimu huu wa usajili

Na Kambi Mbwana, Dar es Salaam

UONGOZI wa klabu ya Yanga, umetamba kuwa watani zao wa jadi Simba, wataishia kunawa kama wana ndoto au lengo la kuchukua mchezaji wao yoyote wanayemuhitaji abaki kwenye kikosi chao.

                    Baraka Kizuguto, Msemaji wa Yanga

Yanga na Simba wapo kwenye vita ya kuwasainisha nyota wao, huku Yanga wakifanikiwa kupata saini ya Mrisho Ngassa kutoka Simba, hiku juzi Haruna Niyonzima naye akitia saini ya kubaki jangwani kwa misimu mwili zaidi.

Fadhili Athuman, Soldier, kipaji kipya kinachopakua filamu ya More Fire

Na Kambi Mbwana, Dar es Salaam

SANAA ni moja ya vitu vinavyohitaji uvumilivu na kujitoa kwa nguvu bila kuchoka, hasa kama lengo ni kuhakikisha kuwa mafanikio yanapatikana kwa namna moja ama nyingine.

                            Fadhili Athuman Soldier, pichani

Wasanii ambao hawana uvumilivu, hushindwa kuhimili changamoto zinazojitokeza katika tasnia ya sanaa Tanzania, ukizingatia kuwa mtu anayejiingiza kwa mara ya kwanza huhitaji muda hadi kuweza kutangaza na kuonyesha kipaji chake kwa hadhira.

Utundu, ubunifu, kujituma ni dawa zaidi ya limbwata

Wasanii wa Bongo Fleva, Dayna Nyange na Kala Jele 100 wakiwa kwenye picha ya malavidavi...

MAMBO FULANI MUHIMU

Na Kambi Mbwana, Dar es Salaam

HII sio Dunia ya kuendelea kupakwa masinzi kwa waganga wa kienyeji kwa sababu ya kuhangaika kumtuliza mume au mpenzi wako. Ni kweli kabisa, maana kama kukua kwa sayansi na teknolojia bado watu watajazana huko, tena kwa ajili ya mapenzi, hakika linashangaza.

Wananchi 200 mjini Mtwara wadaiwa kukimbia nyumba zao, jengo moja lalipuliwa leo Msimbati

Na Mwandishi Wetu, Mtwara

KUTOKANA na machafuko yanayoendelea mjini Mtwara, wananchi zaidi ya 200 wamedaiwa kukimbilia kijijini Naliendele ili kupumzika kwa maswahibu yanayoendelea katika mji huo, chanzo kikiwa ni kugombania gesi isisafirishwe.

                         Picha na maktaba yetu.

Kwa siku tatu sasa mji wa Mtwara umefurika askari polisi na jeshi kwa ajili ya kulinda usalama wa wananchi kutokana na mgogoro huo na kulazimisha kupigwa kwa mabomu na watu kadhaa kupoteza maisha yao.

Mwandishi wa Handeni Kwetu, aliyopo mjini Mtwara alisema kuwa wananchi wengi wameamua kuuhama mji huo kwasababu ya kuhofia usalama wao.

“Kumekuwa na ongezeko kubwa la uchomaji wa nyumba za wananchi pamoja na wizi unaoendelea kuwaacha wananchi kwenye wakati mgumu mno, hivyo wengi wao wameamua kukimbilia sehemu nyingine,” alisema.

Kutokana na askari wengi kumwaga mjini Mtwara, pilika pilika zimetulia, ingawa ni sehemu chache zilizosikika milipuko, ukiwapo mtaa wa Msimbati, ambako jingo la Marine Park lililipuliwa.