SIWEZI KUVUMILIA:TFF mpya bado imesimama, haijaanza mwendo

Na Kambi Mbwana, Handeni

BADO nipo pembeni ya barabara kuangalia msafara wa safari ya mafanikio ya soka la Tanzania linaloratibiwa na Shirikisho la Soka nchini TFF, chini ya Rais wake Jamal Malinzi, aliyeingia kwa mbwembwe nyingi katika ofisi hizo.

Mtu ambaye siku moja baada ya kuingia madarakani alifanya mabadiliko makubwa kwa kumuondoa Katibu Mkuu wake Angetile Osiah pamoja na Mkurugenzi wa Ufundi Sunday Kayuni. Yalifuata pia mabadiliko mengine, ambayo baadhi yake yameshavurugika.

Kubwa ni lile la kutakiwa na Shirikisho la Mpira wa Miguu Duniani (FIFA) kurejea katika ofisi zao za zamani zilizokuwapo Karume, Ilala, jijini Dar es Salaam, badala ya PPF Tower kama walivyodhamiria na kusisitiza ndipo palipokuwa na hadhi ya TFF mpya.

Pia vurugiko jingine ni baada ya kusitisha kwa mkataba wa Mkurugenzi wao wa Sheria Evodius Mutawala. Ukiacha hayo, pia yapo matatizo lukuki ambayo kwa kiasi kikubwa yameonyesha kuwa safari ya TFF mpya ina mashaka.

Bado haijaanza. Wanaopaswa kuanza safari hiyo, akiwamo Malinzi mwenyewe bado hajajua anaotaka kusafiri nao, jambo linalonifanya nishindwe kuvumilia. Bado najiuliza, Tanzania tumedhamiria kweli kusonga mbele kimaendeleo ya mpira wa miguu au tunacheza shere?

Naona tumekuwa wapiga hadithi tu. Wengine tunajifunza namna bora ya kulaumu hataa pale tunaposhindwa kutimiza wajibu wetu. Tangu Malinzi aingie madarakani, sikutaka kusema lolote juu ya safari yake. Ukimya wangu sikutaka niwe miongoni mwa wanaolaumu mara kwa mara, ila w3akati mwingine mtu anashindwa kuvumilia.

Ndio hapo ninapopata hoja ya kumuuliza Malinzi, ni kweli una ndoto ya kukuza soka la Tanzania? Hii ni kwasabababu maneno yamekuwa mengi kuliko vitendo. Na panapokuwa na vitendo basi vinaonekana havina mashiko.

Bado akili zetu tumezielekeza kwenye mechi za kirafiki za Taifa Stars. Labda tunaamini mashabiki wanaweza kuingia kwa wingi, hivyo gharama za kambi kujilipa. Kama huo ni uongo, basi upo karibu kabisa na ukweli. Akili nyingine ipo kwa Simba na Yanga, ingawa tunajua kuwa bado hatuna mfumo unaowaibua vijana na watoto kutoka vijijini.

Ndio hapa tunapohitaji wana mkakati wa TFF wenye mipango kabambe kwa ajili ya kufanya mchakamchaka maeneo ya Tanzania kutafuta vipaji si kwa kuwachagua mmoja mmoja wakiwa wamekaa vijiweni, ila tuandaye ligi bora kuanzia ngazi ya Kata, wilaya na Mkoa ili tupate wachezaji wengi wenye vipaji ambao ndio uti wa mgongo wa soka letu.

Kinyume cha hapo tupiga soga, miaka isonge.

Tuonane wiki ijayo

Tamasha la Handeni Kwetu laomba sapoti ya wadhamini

Na Mwandishi Wetu, Handeni

WADAU wa mambo ya utamaduni yakiwamo mashirika, makampuni na watu mbalimbali wameombwa kujitokeza kuliwezesha tamasha la Handeni Kwetu 2014, lililopangwa kufanyika Desemba 13 mwaka huu wilayani Handeni, mkoani Tanga.

Mratibu Mkuu wa Tamasha la Handeni Kwetu, Kambi Mbwana, pichani.

Tamasha hilo linafanyika huku mwaka jana likiwezeshwa kwa kiasi kikubwa na Shirika la Mfuko wa Hifadhi ya Jamii (NSSF) kwa ushirikiano na wadau mbalimbali walioliwezesha tamasha hilo kwa mara ya kwanza katika Historia ya Mkoa wa Tanga.

Akizungumza mjini hapa, Mratibu Mkuu wa Tamasha hilo, Kambi Mbwana, alisema kuwa wadhamini wakijitokeza kwa wingi kutaongeza chachu ya maendeleo ya nchi, sanjari na sanaa ya utamaduni inayotakiwa kuungwa mkono na watu wengi.

Alisema kuwa kitendo cha wadhamini kuendelea kuliunga mkono Tamasha hilo kutachangia kwa kiasi kikubwa kuinua uchumi wa nchi pamoja na kutangaza utamaduni wa Mtanzania.

“Mwaka jana wadau wengi walijitokeza kuliwezesha tamasha la Handeni, wakiwamo NSSF, hivyo tunaomba msimu huu pia tuendelee kushirikiana kuliwezesha Tamasha la Handeni Kwetu litakalofanyika Desemba 13 mwaka huu, Handeni Mjini.

“Hadi wakati huu, walioonyesha nia ya kulisaidia tamasha la Handeni Kwetu 2014 ni pamoja na SmartMind & Partners iliyopo chini ya Anesa Co. Ltd kwa kupitia kitabu chao cha Ni Wakati wako wa Kung’aa, Phed Trans, chini ya Yusuphed Mhandeni, Handeni Kwetu Foundation, Wait & Watch Film Company Ltd, Qs Mhonda J Apex Group of Companies Ltd na Skyblue Security and Risk Mgt Ltd,” alisema Mbwana.

Tamasha la Handeni Kwetu ni miongoni mwa matukio makubwa ya kiburudani mkoani Tanga, ambako zaidi ya watu 500 walihudhuria tamasha hilo ambalo kwa mwaka huu mipango kabambe ya kuhakikisha kuwa linafanyika kwa mafanikio.

SIWEZI KUVUMILIA:TFF mpya bado imesimama, haijaanza mwendo

Na Kambi Mbwana, Dar es Salaam

BADO nipo pembeni ya barabara kuangalia msafara wa safari ya mafanikio ya soka la Tanzania linaloratibiwa na Shirikisho la Soka nchini TFF, chini ya Rais wake Jamal Malinzi, aliyeingia kwa mbwembwe nyingi katika ofisi hizo.

Mtu ambaye siku moja baada ya kuingia madarakani alifanya mabadiliko makubwa kwa kumuondoa Katibu Mkuu wake Angetile Osiah pamoja na Mkurugenzi wa Ufundi Sunday Kayuni. Yalifuata pia mabadiliko mengine, ambayo baadhi yake yameshavurugika.

Kubwa ni lile la kutakiwa na Shirikisho la Mpira wa Miguu Duniani FIFA kurejea katika ofisi zao za zamani zilizokuwapo Karume, Ilala, jijini Dar es Salaam, badala ya PPF Tower kama walivyodhamiria na kusisitiza ndipo palipokuwa na hadhi ya TFF mpya.

Pia vurugiko jingine ni baada ya kusitisha kwa mkataba wa Mkurugenzi wao wa Sheria Evodius Mutawala. Ukiacha hayo, pia yapo matatizo lukuki ambayo kwa kiasi kikubwa yameonyesha kuwa safari ya TFF mpya ina mashaka.

Bado haijaanza. Wanaopaswa kuanza safari hiyo, akiwamo Malinzi mwenyewe bado hajajua anaotaka kusafiri nao, jambo linalonifanya nishindwe kuvumilia. Bado najiuliza, Tanzania tumedhamiria kweli kusonga mbele kimaendeleo ya mpira wa miguu au tunacheza shere?

Kitabu cha ‘Ni Wakati wako wa kung’aa’ chadhamini tamasha la Handeni Kwetu 2014

Na Mwandishi Wetu, Handeni

KAMPUNI ya SmartMind & Partners iliyopo chini ya Anesa Co. Ltd, imejitosa kudhamini tamasha la Handeni Kwetu 2014, litakalofanyika Desemba 13, wilayani Handeni, mkoani Tanga.

Kitabu cha Ni Wakati wako wa kung'aa kinavyoonekana kwa nje

Ni mara ya pili kwa kampuni hiyo kudhamini tamasha hilo, kwa kupitia Kitabu chao kijulikanacho kama ‘Ni wakati wako wa kung’aa’, kilichoandikwa na Albert Sanga.

Akizungumza jana mjini hapa, Mratibu Mkuu wa tamasha hilo, Kambi Mbwana, alisema kwamba kwa kudhamini tamasha hilo, kampuni hiyo itakuwa na haki zote za kuuza kitabu chao sambamba na kutangaza bidhaa zao kwa kupitia tamasha hilo.

Alisema Sanga ni mjasiriamali mzalendo na mdau wa maendeleo ya Tanzania, hivyo anaamini wadau wa tamasha hili na Watanzania wote wananufaika kwa kiasi kikubwa mno.

“Tunashukuru kwa kupokea taarifa nzuri za udhamini kutoka kwa SmartMind&Patners kwa kupitia kitabu chao cha Ni wakati wako wa kung’aa, kikiandikwa na Sanga, ambaye ndio Mkurugenzi Mtendaji wa kampuni hiyo.

“Mbali na hao, wengine walionyesha moyo wa kulisaidia tamasha hilo msimu huu kwa wakati huu ni pamoja na Phed Trans, chini ya Yusuphed Mhandeni, Handeni Kwetu Foundation, Wait & Watch Film Company Ltd, Qs Mhonda J Apex Group of Companies Ltd na Skyblue Security and Risk Mgt Ltd,” alisema.

Mbwana alimaliza kwa kuwataka wadhamini wengine kujitokeza kwa wingi yakiwamo mashirika na taasisi za kiserikali kuingia kwenye udhamini ili waliwezeshe tamasha hilo sambamba na kutangaza biashara zao.

Wait & Watch kutoka na filamu ya ‘Lifti’

Na Mwandishi Wetu, Dar es Salaam

KAMPUNI inayokwenda kwa jina la Wait & Watch Film Company Ltd, ipo mbioni kukamilisha filamu yake ya kwanza itakayojulikana kama ‘Lifti’ inayotengenezwa kwa umakini wa hali ya juu.

Adam Mchomvu, mmoja  ya wasanii walioshiriki katika filamu ijulikanayo kwa jina la Lifti.

Filamu hiyo itakuwa ya kwanza tangu kampuni hiyo iliposajiliwa kwa ajili ya kujihusisha na kazi mbalimbali za sanaa, ikiwamo filamu hapa nchini, huku ikiwa na mipango lukuki.

Akizungumza leo asubuhi, jijini Dar es Salaam, Mkurugenzi wa Kampuni hiyo, Athuman Kilo, maarufu kama 'Dr Kilo' alisema kuwa wamejipanga imara kuteka soko la filamu hapa nchini.

Alisema mashabiki wa filamu watapata burudani kamili pamoja na kujifunza kutoka kwenye filamu hiyo ambayo kwa kiasi kikubwa inaandaliwa kwa utulivu wa hali ya juu.

“Hii ni kazi ya kwanza ambayo tunaamini itaanza vyema kwasababu vichwa vimetulia na kuangalia namna gani akili zetu zinafanikisha kutoa kazi nzuri.

“Naomba wadau wote wakae mkao wa kula kuisubiri filamu hii ambayo kwa sasa ipo katika hatua za mwisho kabisa kukamilika na itakuwa moto wa kuotea mbali,” alisema Dr Kilo.

Baadhi ya watu walioshiriki katika filamu hiyo ni pamoja na Adam Mchomvu, Khamis Said, Sudi Ally ‘Akui’, Sadiki Manyeko, Jazzmin, Tatu Kingwande, Mzee Jengua na wengineo.

Naibu Waziri wa Nishati na Madini akizungumza

Naibu Waziri wa Nishati na Madini Mh,Stephen Masele akizungumza kwenye uzinduzi huo uliovuta hisia za wanakijiji wengi. Naibu Waziri wa Nishati na Madini akizungumza na Wananchi Mkurugenzi Mtendaji wa Geita Gold Mine,Michael Van Anen

Tamasha la 'Handeni Kwetu' lapania kuvunja rekodi

Na Mwandishi Wetu, Dar es Salaam

MRATIBU Mkuu wa Tamasha la Utamaduni Handeni, maarufu kama ‘Handeni Kwetu’, Kambi Mbwana, ameapa kuhakikisha kuwa tamasha lao msimu wa 2014 linakuwa la aina yake na kuvunja rekodi ya mwaka jana lilipofanyika kwa mara ya kwanza wilayani Handeni, mkoani Tanga.

Mratibu Mkuu wa Tamasha la Handeni Kwetu, Kambi Mbwana, pichani.
Akizungumza jana jijini Dar es Salaam, Mbwana alisema kuwa hiyo ni kutokana na kutamani kushirikisha wasanii wengi kutoka Tanga na Tanzania kwa ujumla.

Alisema kwamba mwaka jana wasanii zaidi ya 200 walionyesha uwezo wao kutoka kwa vikundi mbalimbali vya wilayani Handeni na jijini Dar es Salaam.

“Mwaka jana vikundi zaidi ya 10 vyenye wasanii wasiopungua 15 walipata nafasi ya kupanda jukwaani kuonyesha vipaji vyao, ukiacha wasanii wanaotoka kwenye Kambi ya jeshi la Kujenga Taifa (JKT) wa Mgambo waliozidi 80.

“Wakati tunajivunia mafanikio haya, tunaamini msimu huu utakuwa mzuri zaidi tukiamini kuwa tutavunja rekodi ya mwaka jana, ambapo tulishuhudia burudani mbalimbali, ikiwamo hadithi zilizohusu watu wa Handeni, bila kusahau vyakula vya asili pamoja na michezo waliyokuwa wakicheza wazee wetu enzi hizo,” alisema Mbwana.

Kwa mujibu wa Mbwana, mipango ya kuboresha tamasha hilo imepamba moto ambapo kwa sasa utafiti wa ubora wa vikundi nje ya wilaya ya Handeni inafanywa ili kuhakikisha kuwa wasanii watakaopanda jukwaani wanakuwa na uwezo wa juu na kufanikisha kwa dhati kukuza sekta ya utamaduni pamoja na uchumi wa Tanzania.

Tamasha la Handeni Kwetu kufanyika Desemba 13 mwaka huu

Na Mwandishi Wetu, Dar es Salaam

TAMASHA kubwa la umataduni linalojulikana kama 'Handeni Kwetu' limepangwa kufanyika Desemba 13 mwaka huu, katika Uwanja wa Azimio, wilayani Handeni, mkoani Tanga.

Mratibu Mkuu wa Tamasha la Handeni Kwetu, Kambi Mbwana, akizungumza jambo katika tamasha la mwaka lililofanyika Desemba 14. Mwaka huu tamasha hilo litafanyika Desemba 13, Siku ya Jumamosi, katika Uwanja wa Azimio, wilayani Handeni, mkoani Tanga. Picha na Maktaba Yetu.

Wasanii wa kundi la ngoma za asili la Mgambo JKT, wilayani Handeni, mkoani Tanga, wakitoa burudani katika tamasha hilo mwaka jana. Mwaka huu litafanyika Desemba 13, Siku ya Jumamosi, katika Uwanja wa Azimio, wilayani Handeni, mkoani Tanga. Picha na Maktaba Yetu.

Mkuu wa Wilaya Handeni, Muhingo Rweyemamu (katikati), akifurahia katika tamasha hilo mwaka jana lililofanyika Desemba 14. Mwaka huu litafanyika Desemba 13, Siku ya Jumamosi, katika Uwanja wa Azimio, wilayani Handeni, mkoani Tanga. Kulia kwake ni Afisa Utawala wa wilaya ya Handeni, Upendo Magashi. Picha na Maktaba Yetu.

Katika tamasha hilo linalofanyika kwa mara pili, burudani mbalimbali za ngoma za asili zinatarajiwa kuonekana jukwaani, ambapo pia vikundi kutoka nje ya Handeni, mkoani Tanga navyo vitaalikwa kwa ajili ya kwenda kutoa burudani wilayani humo.

Akizungumzia hilo, jijini Dar es Salaam, Mratibu Mkuu wa tamasha hilo, Kambi Mbwana, alisema kuwa maandalizi ya tamasha hilo yanawekwa ili kuliweka katika kilele cha ubora na kuchangia maendeleo ya sanaa na uchumi kwa ujumla.

Alisema kuwa mwaka jana tamasha hilo lilianza kwa mafanikio makubwa, ambapo wageni mbalimbali walifika wilayani humo, jambo lililochangia pia kuitangaza Handeni na mkoa mzima wa Tanga.

“Mwaka huu tumeweka mikakati kabambe ya kuhakikisha kuwa tamasha letu linaendelea kukua kwa kasi baada ya kuanzishwa kwa mafanikio makubwa mwaka jana.

“Naamini kuwa haya ni matunda ya kushirikiana kwa pamoja na wadau wote, ikiwamo serikali kwa kupitia ofisi zote za wilaya ya Handeni, hivyo watu wajiandae mambo mazuri na makubwa kutoka kwenye tamasha hili,” alisema Mbwana.

Tamasha la utamaduni la Handeni, linalojulikana kama Handeni Kwetu, ni miongoni mwa matamasha yenye mchango mkubwa, ambapo kwa mwaka jana Shirika la Hifadhi ya Jamii (NSSF) ndio waliokuwa wadhamini wakuu na kufanikiwa kwa kiasi kikubwa kuliweka katika mguso wa aina yake.

Habari za hivi punde, Michael Wambura afukuzwa uanachama wa klabu ya Simba

HATIMAE Katibu Mkuu wa zamani wa Chama cha Soka Tanzania FAT sasa Shirikisho la Soka nchini (TFF), Michael Wambura, ametimuliwa kuwa mwanachama wa klabu ya Simba, kwa tuhuma za kuipeleka klabu yake mahakamani.

Chiku Gallawa mgeni rasmi Handeni Kwetu Foundation

NA MWANDISHI WETU, DAR ES SALAAM

MKUU wa Mkoa wa Tanga, Chiku Gallawa, pichani chini, anatarajiwa kuwa mgeni rasmi katika uzinduzi wa taasisi ya Handeni Kwetu Foundation, utakaofanyika kesho Jumanne, katika Ukumbi wa Vijana Social Hall, Kinondoni, jijini Dar es Salaam.

 Tukio hilo la uzinduzi wa taasisi hiyo limepangwa kuanza saa 10 za jioni ambapo wamealikwa wageni mbalimbali kwa ajili ya kuitambulisha kabla ya kuanza kazi zake rasmi nchini Tanzania.

Akizungumzia hilo, jijini Dar es Salaam, Msemaji wa taasisi hiyo, Kambi Mbwana, alisema kuwa wameona wamualike RC Gallawa kuwa mgeni rasmi kwakuwa ni miongoni mwa viongozi makini na wenye kiu ya maendeleo hapa nchini.

Alisema kuwa kitendo cha kuzinduliwa na Mkuu wa Mkoa Tanga, kinaonyesha namna gani viongozi wa serikali wanashirikiana na wadau wote kwa ajili ya kufanikisha mipango ya kimaendeleo.

“Tanzania imejaliwa kuwa na viongozi makini mno, hivyo taasisi imemualika Mheshimiwa Gallawa kuwa mgeni wake rasmi ili ashirikiane na wageni waalikwa kuitambulisha taasisi.

“Tunaamini kwa pamoja tutafanikisha kuitambulisha taasisi kwa wadau wote, hususan Watanzania kwa kupitia Handeni Kwetu Foundation, ukizingatia kuwa imesajiliwa kufanya kazi zake nchini nzima,” alisema.

Kwa mujibu wa Mbwana, sera na mikakati ya taasisi hiyo itaanikwa katika utambulisho huo utakaokuwa na malengo mahususi ya kujikwamua kiuchumi na kuhamasisha masuala ya utawala bora.