TATIZO LA AJIRA, hakukuwa na ulazima wa kuwajaza Watanzania 10,800+ kwa nafasi 70 za ajira Uhamiaji

Na Kambi Mbwana, Dar es Salaam

AWALI sikuamini, hadi nilipohakikishiwa kuwa picha za umati wa Watanzania wenzetu, 10,800 hadi 10,900 ni kweli walikusanyika katika Uwanja wa Taifa, kwa ajili ya kusaka nafasi 70 za ajira kutoka Uhamiaji.

Sehemu ya Watanzania 10,800+ waliohudhuria usaili wa kuomba kazi Uhamiaji. Tukio hilo lilifanyika Juni 13, mwaka 2014 katika Uwanja wa Taifa, jijini Dar es Salaam.

Ndio, maana nilitegemea kuwa umati ule ungepigwa katika mikutano ya kisiasa au matukio ya mpira wa miguu, hususan Simba, Yanga au timu ya Taifa (Taifa Stars). Lakini sivyo. Uamuzi wangu wa kumpigia simu swahiba au kijana mwenzangu aliyekuwa miongoni mwa watu hao waliokwenda kufanyiwa usaili ulikuwa wa muhimu.

Alinijibu, “Ni kweli picha hizo ni za waliokwenda kufanyiwa usaili wa nafasi 70 za Uhamiaji, nzuri zaidi na mimi nilikuwapo hapo uwanjani Juni 13, mwaka 2014,” alijibu. Maneno haya yalinikera. Yalinikera nikiamini kuwa hakukuwa na ulazima wa kuitwa watu wote hao kufanyiwa usaili.

Huu ni udhalilishaji wa wazi wazi kwa Watanzania wenzetu. Ikiwa wanaohitajika ni watu 70, sitaki kuamini kuwa wahusika wangeshindwa kuwachagua kulingana na mahitaji yao. Pengine ingekuwa nzuri zaidi kuchagua watu 200 na kuwachuja katika siku hiyo ya usaili.

Uhamiaji walikwenda kujua nini? Sifa gani wanazohitaji kutoka kwa Watanzania hawa 10,800 waliozagaa katika Uwanja wa Taifa? Naogopa. Mtizamo wa waliokuwa katika nafasi nzuri serikalini wanajua wenyewe.

Binslum aijaza mapesa Stand United ya Shinyanga

Na Mwandishi Wetu, Dar es Salaam

MFANYABIASHARA kutoka Kampuni ya BinSlum Tires, Nassor BinSlum, ameingia mkataba wa kudhamini klabu ya Stand United yenye maskani yake Shinyanga wa mwaka mmoja.

Nassor BinSlum akikabidhi jezi itakayotumiwa na timu ya Stand United ya Shinyanga katika Ligi ya Tanzania Bara msimu ujao wa Ligi baada ya kupanda daraja, huku kampuni yake ikiwadhamini kwa mwaka mmoja.

Stand United watavuna kiasi cha Sh Milioni 50 kwa mwaka, huku wakiahidiwa kuongezwa fedha nyingine pindi watakapoonyesha kiwango kizuri msimu huu.

Akizungumzia leo mchana wakati wa kuingia mkataba na klabu hiyo, mbele ya mlezi wao Steven Masele, ambaye pia ni Mbunge wa Shinyanga Mjini,

BinSlum pichani.

BinSlum alisema lengo lake ni kuisaidia klabu hiyo ili ifikie malengo yake.

Alisema ingawa fedha hizo zinaonekana kama kidogo, lakini timu hiyo ikionyesha soka la kuvutia, basi watavuna udhamini mwingine mnono hata kwa wafanyabiashara weengine.

“Tunataka kuona kuwa timu zetu kwa pamoja zinapiga hatua kubwa kupata wadhamini wengine, hivyo kampuni yangu itahakikisha kuwa inafanya juhudi kukuza soka la Tanzania.

"Stand United ifanye bidii kubwa kuonyesha kuwa wanaweza kucheza soka, nikiamini kuwa hali hiyo itakuwa na manufaa makubwa kwa soka la Tanzania,” alisema.

Naye mlezi wa klabu hiyo, Masele alimshukuru BinSlum kwa uamuzi wake mzuri wa kuidhamini klabu yao, wakiamini kuwa mwendo huo utakuwa na manufaa makubwa kwa upande wao.

Katika hatua nyingine, Masele aliwaambia waandishi wa habari kuwa amejitolea kuwanunulia basi dogo la kusafiria timu hiyo iliyozaliwa Stendi mjini Shinyanga.

Mabondia wa Meya Cup wapima uzito

 Kocha mkongwe wa mchezo wa masumbwi nchini Habibu Kinyogoli akifafanua jambo wakati wa upimaji uzito kwa mabondia

Bondia Amir Shekhe akipima uzito kabla ya kushiliki mashindano ya meya cup yatakayoanza ijumaa katika ukumbi wa ccm kata 15 temeke kulia ni Lemmy Ngabo.

Mkesha wa Huduma ya AFLEWO kufanyika Juni 13 katika Kanisa la City Christian Center, Upanga

Mchungaji Abel Orgenes (wa kwanza kulia) wa Kanisa la International Evangelism akiongea machache na waandishi wa habari (hawapo pichani) wakati akitangaza mkesha utakaofanywa na Huduma ya AFLEWO ambao utakuwa wa kusifu na kuabudu na maombi kwa ajili ya Afrika na Tanzania. Anayefuatia ni Mchungaji Fred Okello wa Kanisa la Upper Room Ministries Tz, Mchungaji Deo Lubala wa Kanisa la Word Alive pamoja na mwenyeji wao Mchugaji Paul Safari wa Kanisa la Dar es Salaam Pentekoste.

Mchungaji Abel Orgenes (wa kwanza kulia) wa Kanisa la International Evangelism akiendelea kufafanua jambo mbele ya waandishi wa habari (hawapo pichani) wakati akitangaza mkesha utakaofanywa na Huduma ya AFLEWO ambao utakuwa wa kusifu na kuabudu na maombi kwa ajili ya Afrika na Tanzania. 

Uchaguzi Mkuu Simba wazidi kuwaka moto, waibuka wa kumpinga Wambura

Na Mwandishi Wetu, Dar es Salaam

UCHAGUZI Mkuu wa Simba, unaotarajiwa kufanyika Juni 29 mwaka huu umeshika kasi, baada ya baadhi ya wanachama wake kujitokeza hadharani na kusema kuwa kumchagua Michael Wambura kuwa Rais wao ni kuiweka kubaya klabu yao hiyo kongwe.

Maneno ya wanachama hao yamekuja siku moja baada ya Kamati ya Rufaa ya Shirikisho la Soka nchini (TFF), kumrudisha tena kwenye kinyang’anyiro hicho baada ya awali kuenguliwa na Kamati ya Uchaguzi ya Simba.

Akizungumza kwa uchungu, mwanachama mwenye kadi namba 5175, Dk Mohammed Wandwi alisema kuwa Wambura ana matatizo mengi, ikiwapo kuungwa mkono na kundi kubwa la wadau na wanachama wa Yanga SC.

Alisema kuwa anabebwa na wanachama wengi wa Yanga, hivyo anapaswa kuangaliwa upya kwa maslahi ya klabu yao ya Simba.

“Huyu Wambura akishakuwa Rais wa Simba SC, Yanga watanufaikaje, maana tunaona kelele nyingi zinazopigwa kumuhusu zinatoka kwa wapinzani wetu,” alisema Wandwi.

Naye Ras Simba kadi namba 5757 amewataka wanachama wenzake wa Simba SC kumuangalia kwa jicho makini kujihadhari na mkakati unaopangwa na Yanga SC.

Qs Mhonda: Mb Dog ndio mpinzani wa Diamond

Na Mwandishi Wetu, Dar es Salaam

MKURUGENZI wa Qs Mhonda J Entertainment, Joseph Mhonda, amesema kwamba mwenye uwezo wa kupunguza makali ya mwimbaji Nassib Abdul Diamond ni Mbwana Mohamed ‘Mb Dog’ pekee.

Msanii Diamond, pichani.

Akizungumzia hilo, jijini Dar es Salaam, Mhonda alisema hiyo inatokana na ubora wa wasanii hao, pamoja na aina yao inayovitia kuwasikiliza.

Mkurugenzi wa Kampuni ya Qs Mhonda J Entertainment, Joseph Mhonda pichani.

Alisema Diamond ni msanii mkali ambaye kwa mtindo wake huenda akakosa mpinzani, kama Mb Dog atazidi kushuka thamani yake kisanaa.

Msanii Mb Dog, pichani.

“Kila nikimuangalia Diamond Napata shauku ya kuona makali ya Mb Dog yanarudi kwasababu ndio anayeweza kuleta ushindani kwa mwimbaji huyo anayetamba na mtindo wake wa Ngololo.

“Mb Dog ana ladha nzuri, sambamba na uimbaji wake unaovutia bila kusahau ubunifu pia katika tungo zake, hivyo kwa kiasi kikubwa yeye ndio mpinzani wa kweli wa Diamond na si mwingine,” alisema.

Mb Dog kwa sasa anatamba na wimbo wake Mbona Umenuna, akiimba kwa hisia kubwa, huku akiwa na shauku ya kurudi makali yake ya zamani.

SIWEZI KUVUMILIA: Nilikuwapo, Yusuf Manji ana kosa gani?

Na Kambi Mbwana, Dar es Salaam

Juni Mosi nilikuwapo kwenye Mkutano Mkuu maalum wa Yanga, uliofanyika kwenye Ukumbi wa Bwalo la Maofisa wa Polisi, Ostarbay, jijini Dar es Salaam.

Mkutano huo ulikuwa na lengo la kuingiza kipengele cha kuunda Kamati ya Maadili kwenye Katiba yao. Kila kitu kilikwenda vizuri, likiwapo agizo jipya la kumuomba Manji, agombee tena Uenyekiti wa Yanga, kwenye Uchaguzi Mkuu utakaofanyika Juni mwakani.

Hii ni baada ya kusogeza mbele Uchaguzi huo uliopangwa kufanyika Juni mwaka huu, ambapo suala hilo liliungwa mkono na wanachama wote waliohudhuria. Hata hivyo, siku mbili baada ya Mkutano huo kupitisha mapendekezo hayo, wakaanza kujitokeza wanachama wengine wakipinga uamuzi wa Mkutano Mkuu, jambo linaloshangaza mno.

Sawa, inawezekana Manji na Kamati yake wamevunja Katiba kwa kusogeza mbele Uchaguzi wa Yanga. Katika kuliangalia hili; napata wasiwasi na kushuhudia unafiki wa baadhi ya wanachama wa Yanga.

Wanachama wanaotafuta nafasi ya kupata pesa kwa kuibua migogoro isiyokuwa na mwisho kwa klabu hii kongwe. Sina lengo la kumbeba Manji, maana si mwepesi wa kuchekea mabaya. Hili lifahamike, ndio maana hata uongozi wa Manji mara kwa mara nimekuwa nikiukosoa nionapo tofauti. Kwa hili la kusogeza mbele Uchaguzi au kuambiwa agombee tena, Manji hana makosa, maana ni matakwa ya wanachama waliojazana pale Osterbay.

Wao wenyewe waliomtoa Manji nje ili wamjadili kwa kina. Kila aliyesimama alimtaka Manji aendelee pamoja na kufanya kila analohitaji. Wakamuimbia kila aina ya wimbo mzuri kwa ajili ya kumburudisha. Ilibaki kidogo wambebe mgongoni, kama ishara ya kumuunga mkono. Hili lilikuwa kwa kila mtu, akiwamo Mwenyekiti wa zamani wa Baraza la Michezo la Taifa (BMT), Kanal Mstaafu Idd Kipingu, Bakari Malima na wengineo.

Inawezekana kweli kumefanyika ujanja ujanja wa kuwashawishi wanachama wakubaliane na madai yoyote ya Manji, lakini wote hao waliohudhuria walishindwa kusimama na kumpinga?

Classic Mawe alivyoonyesha ubabe nchini Zambia

Bondia Ibrahimu Class 'King Class Mawe' akinyooshwa mkono juu kuashilia ushindi baada ya kumtwanga bondia Mzambia Mwansa Kabinga kwa t,k,o ya raundi ya tisa mwishoni mwa wiki iliyopita na kufanikiwa kunyakuwa ubingwa wa WPBF Africa upande wa vijana.

Bondia Ibrahimu Class 'King Class Mawe' akipeperusha vema bendera ya taifa.

Usafiri wa treni za abiria wasitishwa

Na Mwandishi Wetu, Dar es Salaam
UONGOZI wa Kampuni ya Reli Tanzania – TRL unawataarifu abiria wote na wananchi kwa jumla kuwa kutokana na kutetereka kwa mojawapo ya madaraja katika bonde la mto Ruvu katika reli ya kati , umeamua kusitisha kwa muda huduma ya usafiri wa abiria hadi ukarabati wa daraja utakapokamilika.

Hapo jana Mkurugenzi Mtendaji wa TRL Mhandisi Kipallo Aman Kisamfu na Wahandisi waandamizi na Mafundi Mchundo Ujenzi walifika katika daraja hilo lililopo km 82/5 na kulifanyia tathmini ili kuona uharibifu uliotokea na mahitaji kuliimarisha ili lirejee katika kiwango cha usalama kuruhusu treni za abiria kupita.

Kwa mujibu wa Mkurugenzi Mtendaji, ukarabati wa kulirejesha katika hali ya kutumika utachukua takriban wiki moja na hivyo kuanzia jana saa 12 jioni eneo la reli kati ya Dar es Salaam na kilomita 82/5 Ruvu limesitishwa kwa huduma za usafiri wa reli.

Kwa taarifa hii wananchi na wateja wa TRL na wananchi kwa jumla ambao walikuwa wasafiri kwenda bara kwa treni ya jana ya Juni 10, 2014 wanatakiwa kufika katika stesheni zilizokaribu nao ili warejeshewe nauli zao ili watafute usafiri mbadala. Wakati taarifa hii inatolewa katika vyombo vya habari zoezi la kuwarejeshea nauli abiria wapatao 1000 lilikuwa zinaendelea katika stesheni mbali mbali za TRL na hasa katika Stesheni kubwa ya Dar es Salaam ambapo safari kwenda bara huanzia.
Aidha Uongozi wa TRL umeomba radhi kwa usumbufu wowote utakaojitokeza.

Mshindi ‘Twenzetu Brazil’ apatikana

Na Kambi Mbwana, Dar es Salaam

KAMPUNI ya New Habari 2006 Ltd inayochapisha magazeti ya Mtanzania, Rai, Bingwa, Dimba na The African, jana ilimtangaza Wilbert John mwenye miaka 41, kushinda shindano la Twenzetu Brazil kushuhudia mechi ya Kombe la Dunia.

Shindano hilo liliyokuwa ikiendeshwa kupitia magazeti ya Bingwa na Dimba, mshindi huyo alipatikana baada ya kuchezeshwa droo iliyofanyika katika Ofisi za New Habari, Sinza, Kijiweni.

Akizungumza na waandishi wa habari, Meneja Maendeleo na Miradi wa New Habari, Michael Budigila, alisema kampeni hiyo ilidumu kwa muda wa miezi miwili na kushirikisha wasomaji wa Bingwa na Dimba kwa kutuma kuponi zilizopo kwenye magazeti hayo.

Budigila aliwataja washindi wa zawadi nyingine ambao ni Amina Shabani kutoka Mabibo aliyejishindia TV bapa pamoja na king’amuzi na simu ya mkononi ya Smartphone.

Wengine waliojishindia Smartphone katika droo hiyo ni Emma Gasto kutoka Mbezi na Juma Seleman kutoka Sumbawanga, Abasi Amiri na Elisha Yohana pia walijishindia TV bapa huku Zaituni Mussa akijishindia fedha taslimu sh. Milioni 1 na Frank Jackson kutoka Morogoro akijinyakulia pikipiki.

Kampuni ya New Habari (2006) Limited, iliandaa shindano hilo ili kuwapa fursa Watanzania kuweza kushiriki na watu wengine duniani furaha ya mchezo wa soka, unaochezwa na kupendwa na watu wengi duniani kwa kwenda Brazil au kuangalia kupitia luninga watakazoshinda.

Aidha shindano hilo lililenga kuwapa hamasa vijana wa kike na wa kiume kushiriki katika mchezo wa mpira wa miguu, kupitia Kombe la Dunia ambalo ni tukio kubwa la kimichezo linalotokea kila baada ya miaka minne.

Jamal Malinzi awataka wadau wavute subira sakata la Michael Wambura

1. Kambi Mbwana ‏@KambiMbwana 55m

   Hii Kamati ya Rufaa ya TFF tangu jana hadi leo inajadili nini? Kwani sheria za FIFA, TFF na Simba zinasemaje? Mwatakani @jamalmalinzi?

   Expand
   

   • Reply
   • Delete
   • Favorite
2. Jamal Malinzi ‏@jamalmalinzi 50m

   “@KambiMbwana: Hii Kamati ya Rufaa ya TFF tangu jana hadi leo inajadili nini?Naomba tuwe na subira,wakimaliza watatujulisha.

   Expand
   

   • Reply
   • Retweet
   • Favorite
3. Kambi Mbwana ‏@KambiMbwana 44m

   @jamalmalinzi, kwani mkuu sheria gani zilitumika kumuengua Wambura TFF, Mara kiasi kwamba leo hii zimeonekana baada ya kuenguliwa Simba?

   Translated from Indonesian by Bing
   

   @jamalmalinzi kwani, mkuu zilitumika gani kumuengua sheria Wambura TFF, Mara kiasi kwamba leo hii zimeonekana baada people kuenguliwa ya Simba?

   Hide conversation........ 

   RAIS wa Shirikisho la Soka nchini (TFF), Jamal Malinzi, amewataka wadau wa mpira wa miguu kuvuta subira wakati huu ambao Kamati ya Rufaa ya Shirikisho hilo inaangalia rufaa ya mgombea wa Simba, nafasi ya uenyekiti Michael Wambura, aliyeenguliwa kuwania nafasi ya urais, wakati wapinzani wake Evans Aveva na Andrew Tupa wakipeta.

   Malinzi alisema hilo katika mtandao wa twitter kama inavyoonekana hapo juu... Kamati ya Rufaa imekuwa kimya tangu jana ilipokaa kwa mara ya kwanza na siku nzima ya leo hivyo kuibua hofu kwa wadau wa soka, hususan wanachama na mashabiki wa Simba..