Waziri Mkuu Mizengo Pinda kusaidia vijana 87 ili wajitegemee kwa kuwapa Milioni 10

WAZIRI MKUU Mizengo Pinda pichani, ameahidi kutoa Sh. milioni 10 ili kuwasaidia vijana wanaoishi kwenye kijiji cha vijana cha Tulu ambao wameamua kujitegemea kwa uzalishaji kupitia kilimo, matumizi ya misitu na ufugaji.

Alitoa ahadi hiyo jana jioni (Alhamisi, Agosti 29, 2013) wakati akizungumza katika mkutano wa hadhara na vijana wa kijiji hicho pamoja na wakazi wa vijiji jirani vya Tumbili na Lufwisi wilayani Sikonge mkoani Tabora.

Kijiji cha Vijana cha Tulu ambacho wenyewe wanakiita Pathfinders Green City (Jiji la Watafuta Njia) kilianzishwa Aprili 2013 kikiwa ni msitu mtupu baada ya kupewa ekari 280 kutoka vijiji jirani vya Tumbili na Lufwisi. Kilianzishwa kikiwa na vijana 68 kutoka katika kata zote 17 za Wilaya ya Sikonge. Hivi sasa kijiji kina vijana 87 wakiwamo wasichana 22 na wavulana 65 wenye umri wa kati ya miaka 18 na 24.

Mwenyekiti wa CCM wilayani Handeni awalipua wapinzani

Na Rahimu Kambi, Handeni

MWENYEKITI wa Chama Cha Mapinduzi (CCM), wilayani Handeni, mkoani Tanga, Athumani Malunda, amesema wananchi wengi wamegundua kuwa wapinzani hawana lengo zuri kwa maisha yao, ndio maana wanazidi kukiamini chama chao.

Mwenyekiti wa CCM wilayani Handeni, mkoani Tanga, Athumani Malunda, pichani.

Akizungumza na Handeni Kwetu Blog, wilayani hapa, Malunde alisema kwa sababu hiyo, wanaamini kuwa CCM itaendelea kuwa mkombozi kwa wananchi wote nchini.

Alisema mara kadhaa sera za viongozi wa upinzani zimeshindwa kujitosheleza, sanjari na kufanya mambo mengi ya kuwagawa Watanzania.

Aidha alijaribu pia kuzungumzia mikakati kabambe ya kuhakikisha kuwa wanachama wa CCM na Watanzania wote wanaendelea kuthamini mchango wa chama chao kwa kuongoza serikali kwa ajili ya kuwapatia maisha bora kwa kila Mtanzania.

Pitia maoni ya Mkuu wa Mkoa wa Kilimanjaro Leonidas Gama, juu ya Rasimu ya Katiba

Mkuu wa Mkoa wa Kilimanjaro, Leonidas Gama akizungumza na Waandishi wa Habari (hawapo pichani) ofisini kwake.

Kwa Mujibu wa Rasimu ya Katiba wa Jamhuri ya Muungano wa Tanzania, Sura ya sita na Ibara zake inazungumzia kuwapo kwa muundo wa shirikisho wa serikali tatu.Serikali ya Muungano, serikali ya Tanzania bara na Serikai ya zanzibar na kwamba kudumu kwa Muungano pamoja na sababu nyingine ni dhamira ya Watanzania wote.

Ni kweli Muungano ni dhamira ya dhati ya wanaoungana na kwa Muungano wetu ni dhamira ya Watanzania wote, dhamira ya dhati ya kuudumisha muungano ni ile ambayo inakubalika na inaendana na Matakwa ya walio wengi.

Mkuu wa Mkoa wa Kilimanjaro, Leonidas Gama akizungumza na Waandishi wa Habari (hawapo pichani) ofisini kwake.

Leonidas Gama, Mkuu wa Mkoa Kilimanjaro

Kwa mazingira ya nchi yetu na mazingira ya kibinadamu, sio rahisi katika Taifa kama hili lenye watu zaidi ya  milioni arobaini, tukawa na dhamira moja, tutajiridhisha kinadharia tu kuwa Muungano utadumu kwa vile tuna dhamira nao, huku ni kujidanganya. Ni dhahiri kuwa ikitokea katika mfumo huu wa serikali tatu, tukapata kiongozi mkuu, ama chama, ama chombo chenye mamlaka ya kutunga sheria, ama kundi la watu ambalo dhamira yao ni tofauti na dhamira ya wengi.

Leonidas Gama, Mkuu wa Mkoa Kilimanjaro

Diamond sukari ya warembo afanya kufuru, amnunulia gari mzee Muhidin Gurumo sambamba na kutambulisha video mpya ya My Number One

Na Kambi Mbwana, Dar es Salaam

MSANII Nassib Abdulmalick maarufu kama Diamond Platinum, ameonyesha yeye ni mkali na mwenye fedha nyingi baada ya kukusanya watu kibao katika hoteli ya Serena, Posta, jijini Dar es Salaam, katika uzinduzi wa video yake ya My Number One.

Msanii Diamond akiwa Serena Hoteli alipozindua video ya wimbo wake wa My Number One.

Mbali na uzinduzi huo, pia msanii alitumia fursa hiyo kumkabidhi gari alilomnunulia mwanamuziki mkongwe nchini, Muhidin Gurumo, aliyestaafu muziki, huku akisema hajafanikiwa kununua hata baiskeli.

Diamond akimkabidhi mzee Muhidin Gurumo gari, ikiwa ni siku chache baada ya kutangaza kustaafu muziki.

Katika mazungumzo yake, Diamond alisema kuwa anathamini mchango wa wanamuziki waliyotangulia, kwakuwa wao ndio waliyosababisha sanaa yao izidi kuchanja mbuga.

Diamond kuonyesha Ubillionea wake kwa kuwaita waandishi kwenye hoteli ya nyota tano

Na Kambi Mbwana, Dar es Salaam

LEO usiku msanii wa Tanzania, Nassib Abdulmalick maarufu kama (Diamond), anaonyesha utajiri wake, baada ya kuwaita waandishi wa habari kwenye Hoteli ya Serena, jijini Dar es Salaam, likiwa ni tukio la kihistoria kuwahi kufanywa na msanii wa Bongo Fleva, ukizingatia kuwa mpango huo unafanywa zaidi na wakali wa Kimataifa, hususan nchini Marekani wanapokanyaga ardhi ya Bongo na kuondoka.

 Msanii huyo anakutana na waandishi wa habari za burudani, ikiwa ni siku chache baada ya uvumi mkubwa kuenea kuwa naye ametajwa katika risti ya wanaosafirisha dawa za kulevya.

Msanii Diamond akiwa na mpenzi wake wa zamani, Wema Sepetu. Picha hii ni kabla ya wawili hao kuachana. Hata hivyo Diamond amekuwa akisisitiza kuwa Wema ana mchango mkubwa katika mafanikio yake kimuziki.

Diamond aliyeibuliwa na wimbo wake 'Kamwambie', amekuwa nyota na mvuto wa aina yake, huku kila wimbo anaotoa ukiwa moto wa kuotea mbali na kushangaza namna ya kipaji chake.

Mapema wiki iliyopita Diamond aliwaambia Watanzania kuwa umaarufu wake na mafanikio yametokana na mikakati pamoja na kufanya kazi kubwa kutangaza kipaji chake.

Mgombea udiwani mwaka 2010 kwa tiketi ya CUF sasa akichulia chama chake

Na Rahimu Kambi, Handeni

ALIYEKUWA mgombea udiwani Kata ya Kwamatuku, wilayani Handeni, mkoani Tanga, kwa tiketi ya Chama Cha Wananchi (CUF), Mwamini Andrew, amesema haoni sababu ya kubaki katika chama kisichokuwa na dhamira ya kuwaongoza Watanzania.

Mwamini Andrew, Mgombea Udiwani mwaka 2010 Kata ya Kwamatuku, wilayani Handeni, mkoani Tanga kwa tiketi ya CUF, pichani.

Mwamini ameyasema hayo wakati hivi karibuni aliuhakikishia mtandao huu kuwa ameamua kuachana na CUF na kuamua kurudi kuhamia katika Chama Cha Mapinduzi (CCM).

Akizungumza na Handeni Kwetu Blog, Andrew alisema kwamba Watanzania wanahitaji kuongozwa vyema na kupatiwa maendeleo, hasa wale wanaoishi vijijini.

Mkuu wa shule ya sekondari ya Kwamatuku wilayani Handeni aelezea mikakati ya shule yao

Na Mwandishi Wetu, Handeni

MKUU wa shule ya Sekondari ya Kwamatuku, iliyopo Kata ya Kwamatuku, wilayani  Handeni, mkoani Tanga, Faustine Mroso, amesema pamoja na changamoto wanazokutana nazo, lakini shule yake imejipanga imara kuwapatia wanafunzi elimu bora.

Mroso ameyasema hayo siku chache baada ya kuwa na malalamiko kutoka kwa baadhi ya wanafunzi wa kidato cha nne, waliotia hofu ya ufindishwaji katika shule hiyo.

Akizungumza na Handeni Kwetu Blog, Mroso alisema kuwa si kweli kama shule yake haifundishi vizuri, hivyo wanafunzi hao waendelee kujiandaa kwa kusoma kwa bidii, huku uongozi wa shule yake ukiwa umejipanga imara kuwaandaa wanafunzi hao.

Kaseba: Naenda kimya kimya ili nisiwape woga wapinzani wangu

Na Kambi Mbwana, Dar es Salaam

BONDIA wa Ngumi za kulipwa nchini, Japhet Kaseba, amesema kwa sasa anafanya mambo kimya kimya ili ajiweke sawa zaidi katika tasnia ya mchezo huo.

Akizungumza jana jijini Dar es Salaam, Kaseba alisema kwamba mchezo wa masumbwi umekuwa na changamoto nyingi, ukiwamo uhaba wa kupatikanaa mapambano yenye mguso.

Alisema licha ya uhaba huo, kwa upande wake anaendelea na mazoezi makali, japo analazimika kupunguza majigambo kwa kuhofia kuwapaa woga mabondia wengine.

Ally Nipishe kufanya mambo Face Pub Ijumaa

Na Kambi Mbwana, Dar es Salaam

MSANII wa muziki wa kizazi kipya, Ally Nipishe, anatarajia kufanya shoo ya aina yake katika uzinduzi wa disco la Crazy Night, linalotarajiwa kufanyika Ijumaa hii, katika Ukumbi wa Face Pub, Tabata, jijini Dar es Salaam.

Akizungumza jana jijini Dar es Salaam, Nipishe alisema kwamba amejipanga imara kuhakikisha kuwa anafanya vitu vya aina yake katika usiku huo wa burudani Tabata, jijini Dar es Salaam.

Alisema kuwa lengo lake ni kuwapa burudani kamili mashabiki wake wa Tabata na vitongoji vyake, hivyo wadau wajitokeze kwa wingi kupata burudani.

“Nimejipanga imara kuhakikisha kuwa natoaa burudani kabambe kwa mashabiki wangu wa muziki wa kizazi kipya katikaa uzinduzi wa disco la Crazy Night.

Tunaomba radhi kutokuwapo kwa makala ya Mgodi Unaotembea leo Jumatano

Kwasababu zilizokuwa nje ya uwezo wetu, tunaomba radhi kwakuwa leo Jumatana hatakuwa na makala ya 'Mgodi Unaotembea' inayoandikwa na Kambi Mbwana, pichani. 

Badala yake makala hiyo itakuwapo tena kuanzia Jumatano ijayo. Tunaomba radhi kwa usumbufu wowote utakaojitokeza na tunaomba zaidi ushirikiano wako.

Handeni Kwetu Blog.

Hali ilivyokuwa katika kikao cha NEC Mjini Dodoma leo na kuongozwa na mwenyekiti wake Jakaya Mrisho Kikwete

 Mwenyekiti wa CCM, Rais Jakaya Kikwete akiongoza kikao cha NEC, leo Agosti 26, 2013 mjini Dodoma. Kulia ni Katibu Mkuu wa CCM, Abdulrahman Kinana.

 Katibu Mkuu wa CCM, Abdulrahman Kinana akitoa utangulizi kabla ya Mwenyekiti wa CCm Rais Jakaya Kikwete (kushoto) kufungua kikao cha NEC, Agosti 26, 2013.

 Baadhi ya wajumbe wa NEC, ukumbini. Kulia mstari wa mbele ni Mjumbe wa Kamati ya Ushauri ya Viongozi wastaafu wa CCM, John Malecela ambaye ni mwalikwa kwenye kikao hicho.

CCM yafanya maamuzi magumu ya kumvua uanachama Mansoor Yussuf Himid

TAARIFA KWA VYOMBO VYA HABARI

Kikao cha Halmashauri Kuu ya Taifa (NEC) ya Chama Cha Mapinduzi (CCM) iliyomalizika leo imejadili kwa kina Masuala mbalimbali likiwemo pendekezo la Halmashauri Kuu ya CCM Mkoa wa Magharibi - Zanzibar la kumvua uanachama Ndugu Mansoor Yussuf Himid (pichani), Mjumbe wa Baraza la Wawakilishi wa Kiembesamaki.

Baadhi ya tuhuma za Ndugu Mansoor Yussuf Himid ni pamoja na:-

1.   Kushindwa kusimamia malengo ya CCM na kutekeleza masharti ya uanachama.

2.   Kushindwa kutekeleza wajibu wa mwanachama na kukiuka Maadili ya Kiongozi wa CCM.

3.   Kuikana Ilani ya CCM ya Uchaguzi Mkuu wa mwaka 2010-2015 na kuisaliti CCM.

Baada ya kujiridhisha vya kutosha na tuhuma dhidi ya Ndugu Mansoor Yussuf Himid, Halmashauri Kuu ya CCM Taifa (NEC) imeridhia uamuzi wa Halmashauri Kuu ya CCM Mkoa wa Magharibi Zanzibar wa kumfukuza uanachama. Kwa uamuzi huo wa kumvua uanachama wa CCM Ndugu Mansoor Yussuf Himid, yeye kwa sasa sio Kiongozi tena wa CCM.

Imetolewa na:

Nape Moses Nnauye,

KATIBU
WA NEC ITIKADI NA UENEZI CCM TAIFA

26/08/2013