MGODI UNAOTEMBEA: Joto la wataka urais CCM, linadhihirisha nguvu ya chama tawala

Na Kambi Mbwana, Dar es Salaam

INAHITAJI akili ya kiuwendawazimu kuaminishwa na kuamini kuwa Chama Cha Mapinduzi (CCM) kimepoteza mvuto. Kwamba vinavyokubalika ni Chadema, CUF, NCCR Mageuzi, NLD, TLP na vinginevyo, ambavyo kwa udhaifu wao, wameona waungane baada ya kukosa dawa ya kukiangusha chama tawala.

Waziri wa Mambo ya Nje na Ushirikiano wa Kimataifa, Bernard Membe, ni mmoja wa makada wa CCM, wanaotajwa kuwa na ndoto za kuwania Urais, katika Uchaguzi Mkuu wa mwaka huu, nchini Tanzania.

Si kweli, maana vipo viashiria vingi vinavyoonyesha kuwa chama hicho kikongwe Tanzania, kipo imara na kinaungwa mkono na watu wengi, wakiwamo watoto, wazee, vijana na wake kwa waume. Bado wapo watu wanaoamini kuwa mtu mtu anayepitishwa kugombea katika nafasi yoyote ndani ya CCM, basi huyo ndiye mshindi. Na yapo maeneo mengi ambayo watu wake hawajui chochote kuhusu vyama vya upinzani, isipokuwa CCM.

Kuelekea katika Uchaguzi Mkuu, kumekuwa na kauli za hapa na pale zinazoshiria kuwa baadhi ya Watanzania wenzetu, hususan wanaotoka katika Chama Tawala wamedhamiria kuchukua fomu za kuwania urais katika Uchaguzi Mkuu utakaofanyika Oktoba mwaka huu.

Ingawa wapo wengine wenye nia hiyo ya kutaka urais, ila ndani ya CCM hali hiyo imezidi. Ndani ya CCM kuna joto na mchuano mkali. Takribani miaka mitatu sasa tumeshuhudia mivutano ya kila aina.

Wataka urais huo wamekuwa na vikao na safari za kutunisha makundi yao, bila kusahau kasi ya kuongeza ushawishi kwa vijana wao wanaoshindana katika mitandao ya kijamii kwa kujiita majina ya kila aina, kuashiria wapo kwenye msafara huo. Haya yote yanadhihirisha nguvu ya chama tawala. Kila mtu anaangalia nani ana mvuto zaidi ya mwenzake ndani ya CCM. Kila jina linalotajwa zaidi mtaani, basi linatokana CCM.

Wapo wanaomtaja Waziri wa Mambo ya Nje na Ushirikiano wa Kimataifa, Bernard Membe, kwamba anayo haiba na uwezo wa juu ya kurithi kiti cha urais, kitakachoachwa na Rais, Profesa Jakaya Mrisho Kikwete, baadaye mwaka huu. Wanaoamini Membe anafaa wanafanya kila wawezalo ili jamii iwaelewe, bila kusahau wanaojiita wapo kwenye safari ya matumaini, nao wakichagiza Edward Lowassa, Waziri Mkuu wa zamani aliyejiuzulu na Mbunge wa Monduli arithi mikoba ya JK.

Treni ya Deluxe ya kwenda mkoani Kigoma kuondoka leo saa 2 usiku

Na Mwandishi Wetu, Dar es Salaam
Uongozi wa Kampuni ya Reli Tanzania (TRL ) unasikitika kuwataarifu abiria wa treni ya Deluxe ya kwenda Kigoma jana Mei 17, 2015 saa 2 usiku kuwa safari hiyo imeahirishwa hadi leo Jumatatu saa 2 usiku. Kwa mujibu wa taarifa hiyo sababu za kuahirishwa zinatokana na ajali mbili mfululizo za treni za mizigo.

Ajali ya kwanza ilitokea asubuhi saa 1:30 maeneo ya Stesheni ya Ngeta mkoa wa Pwani na ya pili saa 5 asubuhi maeneo ya Stesheni za Kinguruwila na Morogoro! 

Ajali hizo zimehusisha kuanguka kwa mabehewa manne ( Ngeta ) na kuacha njia behewa moja (Kinguruwila )! Treni zote mbili zilikuwa zikielekea bara! Tayari wahandisi na mafundi wa TRL wako katika maeneo ya tukio kwa ajili ya kazi ya kuyaondosha mabehewa yaliopata ajali na pia kukarabati njia ili ifunguliwe haraka na kurejesha mawasiliano ya njia ya reli katika hali ya kawaida. 

Kutokana na uzito wa kazi hiyo ya ukarabati njia ndio sababu kuu iliyopelekea safari ya Deluxe iahirishwe hadi kesho usiku! Wakati huo huo taarifa imeongeza kusema kuwa ajali hiyo imeathiri urejeshaji wa vichwa viwili vya treni ya Jiji ambavyo havotoweza kufika Dar kwa wakati na hivyo kesho huduma ya treni ya Jiji haitokuwepo. 

Vichwa hivyo vya treni vilikuwa katika ukarabati wa kawaida katika karakana kuu ya TRL Morogoro! Atakayesoma taarifa hii amuarifu nwenzake!
Uongozi wa TRL unasikitika kwa usumbufu utakaojitokeza!

Imetolewa na Afisi ya Uhusiano kwa niaba ya Kaimu Mkurugenzi Mtendaji
Mhandisi Elias Mshana
Dar es Salaam,
Mei 17, 2015

SIWEZI KUVUMILIA: Timu tatu, Mkoa wa Tanga utakuwa na cha kujivunia?

Na Kambi Mbwana, Dar es Salaam

LIGI ya Tanzania Bara itakayoanza baadaye mwaka huu, itakuwa na raha za aina yake, baada ya mkoa wa Tanga, kupata timu tatu zitakazoshiriki Ligi hiyo.

Timu hizo ni Coastal Union, Mgambo Shooting ya wilayani Handeni na ile African Sports, iliyopanda daraja msimu huu, ikijikatia tiketi ya kushiriki ligi hiyo kubwa nchini Tanzania.

Kushiriki kwa timu hizo, mkoa wa Tanga utakuwa unashika nafasi ya pili nyuma ya jiji la Dar es Salaam, ambalo lenyewe lina timu ya Yanga, Simba na Azam FC. Hata hivyo, mkoa wa Tanga unapaswa kujipanga ili kushiriki kwa timu hizo tatu kuwe na cha kujivunia. Namaanisha kupata ushindani wa aina yake. Kusiwe na timu ya kufungwa kila mechi. Itakuwa ni aibu kubwa.

Katika kuangalia mfumo uliopo, ni wazi mkoa wa Tanga utakuwa umepanda kiasi fulani katika sekta ya mpira wa miguu, jambo linalohitaji ushirikiano pia kutoka kwa wadau wa michezo, wakazi wa Tanga na Watanzania kwa ujumla. Kinyume cha hapo siwezi kuvumilia. Hii ni kwa sababu kusipokuwa na mipango, timu hizo zitaendelea kusua sua. Ni Mungu tu, ila ni wazi Mgambo ilibaki kidogo ishuke daraja. 

Kwa sababu imenusurika, kila mdau wa michezo wa mkoa wa Tanga ahakikishe anafanya bidii kuliweka soka lao katika kilele cha mafanikio. Kushiriki kwa Ligi ya Tanzania Bara, ni wazi Mkoa wa Tanga utakuwa na sehemu ya kujitangaza. Pia unaweza kuwa na nafasi nzuri kibiashara kutokana na wageni watakaoingia na kutoka kufuata timu zao kutoka katika mikoa mbalimbali, ikiwamo Dar es Salaam kunapopatikana timu kubwa na kongwe, kama vile Yanga, Simba na Azam.

Kwa timu kama African Sports na Mgambo Shooting zenyewe zinapaswa kufanya bidii ili kuhakikisha kwamba zinaonyesha soka la uhakika, ili zisiwe katika hatari ya kushuka daraja. Mkoa kuwa na timu tatu zinazocheza Ligi Kuu si jambo dogo. Hata hivyo kunaweza kusiwe na tija kama hakutakuwa na juhudi, mipango na kujituma kusaka ushindi utakaowaweka juu kisoka na kibiashara pia. Kinyume cha hapo siwezi kuvumilia, maana hakutakuwa na jipya licha ya kuwa na timu tatu zinazoshiriki Ligi Kuu katika Mkoa mmoja wa Tanga.

Tuonane wiki ijayo.

kambimbwana@yahoo.com

+255 7120539

Ukumbi mpya wa mikutano wa CCM mjini Dodoma ni balaa

 Muonekano wa ndani wa ukumbi mpya wa mikutano uliojengwa na CCM mjini Dodoma ambao uko katika hatua za mwisho kukamilika kabla ya kuanza kutumika.Ukumbi huu upo karibu na jengo la  Benki Kuu, njia ya kuelekea Chuo Kikuu cha Dodoma - UDOM.

Rais Dkt. Jakaya Mrisho Kikwete akikagua ujenzi wa Ukumbi wa Mikutano wa Kimataifa wa Dodoma unaojengwa na  CCM.

Mbunge wa Kigamboni Mh Ndugulile afanya mkutano wa hadhara Tua Moyo jijini Dar es Salaam

 Mwalimu mstaafu wa Sekondari na Mjumbe mwelimishaji wa Chama cha Mapinduzi  (CCM) na Mwenyekiti wa Wzazi Tua Moyo Ali Ahmad kwa jina maarufu mpemba wa Asili, akisoma shairi wakati wa Mkutano wa Hadhara ambapo Mgeni Rasmi ni Mbunge wa Jimbo la Kigamboni Dk. Faustine Ndugulile. Picha zote na Khamis Mussa.

 Mbunge wa Jimbo la Kigamboni Dk. Faustine Ndugulile akisalimia wananchi wakati wa Mkutano wa hadhara ulio fanyika Dar es Salam.

  Dk. Faustine Ndugulile  akiteta jambo na Mwenyekiti wa Chama cha Mapinduzi Kata ya kigamboni na Katibu Kata wa chama hicho kabla ya kuanza Mkutano huo.

MKUTANO MKUU:Wanahisa wa CRDB wanavyopigania kuiweka juu benki yao

*Wafanya Mkutano Mkuu wa 20 AICC Arusha

*Dkt Kimei aanika mikakati ya kuipaisha CRDB

Na Kambi Mbwana, Aliyekuwa Arusha

NI kama vile uhai na mafanikio ya benki ya CRDB umejulikana upya, baada ya menejimenti, Bodi ya Wakurugenzi na Wanahisa kukubaliana kwenye Mkutano wao Mkuu wa 20 wa Wana Hisa uliofanyika Mei 9, mwaka huu.

Mkurugenzi Mtendaji wa CRDB benki, Dkt Charles Kimei, akizungumza jambo katika Mkutano wa wanahisa wa benki hiyo jijini Arusha.

Mkutano huo ulifanyika katika Ukumbi wa Simba, kwenye Kituo cha Kimataifa cha Mikutano cha AICC, huku ukifurika wana Hisa wengi kutoka mikoa mbalimbali ya Tanzania.

Mtangazaji mkongwe nchini Tanzania,  Salimu Mbonde, akisikiliza kwa makini mkutano wa hisa wa benki ya CRDB, jijini Arusha.

 Katika mkutano huo ulioanza saa 3 asubuhi, mengi yalijadiliwa, ikiwamo ripoti ya wakaguzi na mwelekeo wa benki hiyo katika kufungua matawi, bila kusahau tawi lao lililokuwa nchini Burundi.

Katika mazungumzo yaliyofanyika jijini Arusha, Mkurugenzi Mtendaji wa benki hiyo, Dkt Charles Kimei, anasema kwamba kufanyika kwa amani na mafanikio mkutano huo, ni kama vile benki yao imezaliwa upya.

Anasema biashara yoyote inayohusiana na wana hisa, kunahitaji mipango ya kukubaliana kwa pande zote, jambo linalowafanya menejimenti, bodi na wanahisa kuona ipo dhamira ya dhati ya kuhakikisha kwamba bendi yao inapiga hatua.

“Wanahisa ni watu muhimu na ndio maana tumekuwa tukifanya mkutano wa mwaka kwa ajili ya kupitisha ripoti, kutaja vipaumbele na kuangalia jambo gani la kufanya katika kuhakikisha kwamba benki yetu inakuwa bora zaidi.

CRDB ni kati ya benki bora nchini ambayo tumefanikiwa pia kuwa na tawi letu nchini Burundi ambapo hata hivyo kumekuwa na hali ya sintofahamu katika mambo ya kisiasa,” alisema.

Katika mkutano huo, baadhi ya wanahisa walitoa ushauri wao juu ya mwenendo bora wa benki yao, ikiwamo taratibu za ufunguaji wa matawi katika mikoa mbalimbali.

Awali, mkutano huo ulikuwa na dondoo kama vile kufungua mkutano, Kuchagua Mwenyekiti na Makamu Mwenyekiti wa Mkutano Mkuu, Kuridhia ajenda ya mkutano, kuthibitisha kumbukumbu za Mkutano Mkuu uliopita, kujadili yatokanayo na kumbukumbu za Mkutano Mkuu wa 19, kujadili na kupokea taarifa ya Bodi ya Wakurugenzi na taarifa hesabu zilizokaguliwa za mwaka 2014.

Serikali yasema elimu bora ni ile inayomuelekeza mtu kujitegemea

Mkurugenzi Mkazi wa Shirika la Umoja wa Mataifa la Elimu, Sayansi na Utamaduni (UNESCO) Tanzania, Bi. Zulmira Rodrigues akisalimiana na Katibu Mkuu Ofisi ya Waziri Mkuu Tawala za Mikoa na. Serikali ya Mtaa (TAMISEMI), Jumanne Sagini alipomtembelea ofisini kwake mjini Dodoma wakati wa ziara ya kikazi ya siku moja ya kukutana na wadau wa elimu walioshiriki mkutano wa kutathmini sekta ya Eimu nchini kwa mwaka 2014 uliofanyika katika kumbi za mikutano Chuo Kikuu cha Dodoma (UDOM).(Picha zote na Zainul Mzige.

Na Modewjiblog team

KATIBU Mkuu Ofisi ya Waziri Mkuu Tawala za Mikoa na Serikali ya Mtaa (TAMISEMI), Jumanne Sagini amesema elimu ya sasa inaelekezwa zaidi katika kumwezesha mtu kujitegemea.

Kauli hiyo ameitoa katika mahojiano maalum kuhusu maendeleo na changamoto kwenye sekta ya elimu nchini katika wiki ya maadhimisho ya elimu inayofikia tamati leo mjini Dodoma.

Alisema katika mahojiano hayo kwamba mfumo sasa unawaondoa watu kwenye ajira ya serikali na kutokana na hilo uimarishaji wa elimu ndio kitu cha msingi kabisa.

Alisema katika maadhimisho ya elimu watu wanajifunza usimamizi kama msingi mkubwa wa maendeleo ya elimu nchini.

James Mbatia aalikwa mahafari ya kidato cha sita Maua Seminary

Wanafunzi wanaohitimu kidato cha sita katika shule ya sekondari ya Maua Seminary wakiimba wimbo wa taifa wakati wa mahafali ya kuhitimu kidato cha sita yaliyofanyika shuleni hapo.

Wahitimu wa kidato cha sita shule ya sekondari Maua Seminari.

Waandishi wa habari waaswa kuandika habari sahihi kwenye gesi na mafuta

Mwenyekiti wa Mpango wa Uhamasishaji wa Uwazi katika Mapato ya Madini, Gesi asilia na Mafuta (Tanzania Extractive Industries Transparency Initiative (TEITI), Jaji Mstaafu, Mark Bomani akifungua warsha ya siku moja kwa wadau na wandishi wa habari za biashara, mkutano uliofanyika Ledger Plaza Bahari Beach Hotel jijini Dar es Salaam, Mei 7, mwaka huu.

Na Andrew Chale

Mwenyekiti wa Mpango wa Uhamasishaji Uwazi katika Mapato ya Madini, Gesi Asilia na Mafuta (TEITI) Jaji Mark Boman amewataka waandishi wa habari kutoa taarifa sahihi zenye lengo la kuielimisha jamii hasa pindi wanaporipoti habari za sekta ya madini hapa nchini.

Akizungumza wakati wa semina ya waandishi wa habari za biashara na uchumi ya siku moja iliyofanyika hivi karibuni Ledger Plaza Bahari Beach Hotel, jijini Dar es Salaam, Jaji Bomani alisema taarifa sahihi hasa za masuala ya uchumi zinahitajika kwani zikitolewa tofauti zinaweza kusababisha mkanganyiko kwa wananchi.

Alisema taasisi hiyo ilianzishwa kuwa lengo la kufuatilia sekta ya madini kwani hapo awali ilionekana kutowanufaisha wananchi.“Awali kuliwa na mkanganyiko wa kwamba sekta ya madini haiwanufaishi wazawa hivyo Serikali ilichukua hatua na kuunda kamati ya kushughulikia tatizo hilo kwa lengo la kukuza uchumi wa nchi kupitia sekta hiyo ya madini,”alisema.

Rais Kikwete amteua Kamishna mpya wa Polisi, Diwani Athumani Msuya

Rais wa Jamhuri ya Muungano wa Tanzania, Mheshimiwa Jakaya Mrisho Kikwete amemteua Kamishna wa Polisi (CP) Diwani Athumani Msuya, kuwa Mkurugenzi wa Upelelezi wa makosa ya Jinai (Director of Criminal Investigation).

Kabla ya uteuzi huu CP Msuya alikuwa Kaimu Kamishna wa kamisheni ya Intelijensia ya Jinai. CP Msuya anachukua nafasi iliyoachwa wazi na Ndugu Robert S. Manumba ambaye amestaafu kwa mujibu wa Sheria.

Rais Kikwete pia amemteua Naibu Kamishna wa Polisi (DCP) Valentino Mlowola kuongoza Idara ya Intelijensia ya Jinai, kujaza nafasi inayoachwa na Kamishna Msuya.

Kabla ya Uteuzi huu, DCP Mlowola alikuwa Kamanda wa Polisi Mkoa wa Mwanza.
Uteuzi huu umeanza tarehe 3 Mei, 2015.


Imetolewa na;
Premi Kibanga,
Mwandishi wa Habari wa Rais Msaidizi,
Ikulu – Dar es Salaam.
12 Mei, 2015

Uhondo wa Lady Jay Dee

Finally Lady Jaydee's Give Me Love music video is out. The video was shot and directed by Nicky Campos on location in Johannesburg, South Africa. The Song was produced by Uhuru and features Mazet & DJ Maphorisa.This is the follow up single after the mega hit 'Forever ft Dabo' which has earned Jide multiple nominations in the upcoming Kili Music Awards, including 'Best Collaboration' and 'Best Female'. Other nods are from the prior releases 'Nasimama' and 'Historia' which both are competing for the 'Best Zouk Song' category. For more info please follow Lady Jaydee: Twitter: @jidejaydee Instagram: @jidejaydee Facebook: @ladyjaydee Enjoy the video below

Ratiba ya vikao vya ndani vya CCM yatolewa, kuanza Mei 18

Chama Cha Mapinduzi kupitia Katibu wake wa Uenezi Ndugu Nape Nnauye kimetangaza ratiba za Vikao vya juu vya Chama hicho kuanzia tarehe 18 mpaka 23 Mjini Dodoma.
Tarehe 18 mpaka 19 Mei Kikao Cha Sekretarieti ya CCM chini ya Katibu Mkuu Ndugu Kinana

Tarehe 20 Mei kutakuwa na Kikao cha Kamati Kuu ya CCM chini ya Mwenyekiti Ndg Jakaya Kikwete.

Tarehe 21 mpaka 22 kutakuwa na Kikao cha Halmashauri Kuu ya Taifa ikiongozwa na Mwenyekiti wa CCM Ndg Jakaya Kikwete.

Vikao hivyo ambavyo vitafanyika katika ukumbi wa mikutano wa Ofisi ya Makao Makuu 
Dodoma maarufu kama "whitehouse" vinategemea kujadili ajenda zifuatazo.

1. Kuwasilisha na kujadili ripoti ya hali ya siasa nchini.
2. Ratiba ya mchakato wa uteuzi wa wagombea wa nafasi za udiwani, uwakilishi, ubunge, urais wa Zanzibar na Jamhuri ya Muungano wa Tanzania.
3. Kupitia Rasimu ya Kwanza ya maboresho ya Ilani ya Uchaguzi ya CCM ya Mwaka 2015/2020.
4. Mapendekezo ya uboreshaji wa mchakato wa kura za maoni ndani ya CCM.
5. Namna ya Ushiriki na Mkakati wa Ushindi wa CCM katika uchaguzi mkuu unaotarajiwa kufanyika Oktoba Mwaka huu.

UTT watembelea China kuangalia uwezekezaji na maanufaa yake

Bodi ya UTT-PID ikiongozwa na mwenyekiti wake Mrs. E Mlaki pamoja na Menejimenti wakiwa na wenyeji wao katika jiji la Chengdu ambapo walifanya ziara katika maeneo tofauti ya uwekezaji na manufaa wanayopata wananchi wa jiji hilo. Ziara hiyo ya siku Tano katika Miji tofauti inatarajia kukamilika Tarehe kumi kabla ya kurejea nyumbani.

Na Mwandishi Maalum

Bodi ya Taasisi ya Miradi na Maendeleo ya Miundombinu iliyo chini ya Wizara ya Fedha (UTT-PID), pamoja na Menejimenti yake ipo nchini China katika ziara maalum ya Mafunzo na kujenga uzoefu ya siku tano ikiwa na lengo la kuimmalisha utendaji kaziw wa taasisi hiyo.

Katika ziara hiyo, Bodi ya UTT-PID, ikiongozwa na mwenyekiti wake Mrs. E Mlaki pamoja na Menejimenti wapo katika miji mbalimbali na kutembelea maeneo tofauti ya uwekezaji ilikushuhudia manufaa wanayopata wananchi wa maeneo hayo.

Kazi za UTT-PID ni pamoja na Utoaji huduma za ushahuri katika maeneo ya upembuzi yakinifu wa miradi mbalimbali, Uratibu wa fedha na huduma zinazohusiana katika maandalizi ya mapendekezo ya miradi kwa benki au taasisi za fedha, uteuzi wa watoa huduma kuhusiana na maandalizi ya zabuni na usimamizi wa majengo na mali ambao ni utoaji wa huduma fanisi za usimamizi wa majengo yaliyochini ya uangalizi thabiti wa taasisi.

World Lung Foundation yazindua mradi wa elimu kwa mtandao kusaidia uokoaji wa akina mama na watoto

Waziri wa Afya na Ustawi wa Jamii Dk.Seif Rashid (wapili kulia), akiwa na baadhi ya watendaji wa Shirika la World Lung Foundation (WLF) la hapa nchini wakishudia uzinduzi wa mradi wa elimu kwa mtandao unaosaidia kuokoa maisha ya mama na mtoto ambao unaendeshwa na kusimamiwa na shirika hilo katika vituo vya Afya 13.

TAASISI ya World Lung Foundation (WLF) Tanzania imezindua mradi wa elimu kwa njia ya mtandao katika hatua mpya ya kusaidia kuboresha ubora wa huduma za wajawazito pamoja na akina mama na watoto wao. Mradi huu wa  Mawasiliano umefadhiliwa na Shirika la Maendeleo la Sweden  (Swedish International Development Cooperation, (Sida)) na Shirika la Merck For Mothers. Mradi huu upo katika vituo vya afya 13 vinavyo fadhiliwa na WLF katika mikoa ya Kigoma, Pwani na Morogoro.

Mfumo huu wa WLF Tanzania wa  elimu kupitia mtandao (e-learning) umeundwa ili kuboresha ujuzi  wa wafanyakazi wa vituo vya afya na kuongeza wao uwezo wa kufanya maamuzi sahihi katika kliniki zitoazo huduma za afya. Mfumo huuutawasaidia  kufanya maamuzi ya kitaalam kuhusu usimamizi wa dalili hatarishi za ujauzito, huduma wakati wa kujifungua na baada ya kujifungua kwa ajili ya akina mama na watoto wao.Mafunzo haya yatawawezesha watoa huduma ya afya kuwasiliana na kupata taarifa muhimu za kuongeza ujuzi, kusoma Makala za jarida za kitaalam, kuona filamu zinazoelimisha, picha na masomo ya kujifunzia. Wafanyakazi wa afya  pia wanaweza kutumia jumuishi ya vikao vya mitandao na kubadilishana ujuzi na taarifa kuhusu changamoto na mafanikio  yao pamoja na wenzao  na wataalam waandamizi katika vituo vya afya 13.

Mamilioni ya Kopa Bayport yazidi kupata wenyewe

Meneja Masoko na Mawasiliano wa Taasisi ya Kifedha ya Bayport Financial Services inayojihusisha na mikopo, Ngula Cheyo, katikati akizungumza jambo wakati  wa droo ya pili ya Kopa Bayport kwa njia ya mtandao wa www.kopabayport.co.tz, ambapo jumla ya washindi watatu kila mwezi wanapatikana na kila mmoja kujishindia jumla ya Sh Milioni moja. Kulia ni Afisa wa Huduma kwa Wateja wa taasisi hiyo, Gladys John, huku kushoto akiwa ni bwana Humud Abdulhussein, Msimamizi kutoka Bodi ya Michezo ya kubahatisha Tanzania. Picha zote na Mpiga Picha wetu.

 

Na Mwandishi Wetu, Dar es Salaam
SHINDANO la Kopa Bayport kwa njia ya mtandao linaloendeshwa na taasisi ya Kifedha ya Bayport Financial Services, limezidi kuchanja mbuga, baada ya wateja watatu wa mwezi Mei kuibuka na Sh Milioni moja kwa kila mmoja, huku mikoa ya Bukoba, Njombe na Dar es Salaam ikichanua katika droo iliyochezeshwa jana, jijini Dar es Salaam.

Wateja hao walioshinda katika shindano hilo ni Tryphone Mashamba mkoani (Njombe), Kisa Mboya (Dar es Salaam) na Oscar Gadawu (Bukoba) ambao wote kwa pamoja wameibuka na Sh Milioni moja baada ya kukopa kwa njia ya mtandao wa www.kopabayport.co.tz, ikiwa ni huduma nzuri kutoka kwenye taasisi hiyo ya Bayport Financial Services.

Afisa wa Huduma kwa Wateja wa Taasisi ya Kifedha ya Bayport Financial Services inayojihusisha na mikopo, Gladys John katikati akichagua koponi ya mmoja wa washindi wa shindano la Kopa Bayport linaloendelea ambapo washindi watatu wamepatikana na kila mmoja kupata bahati ya kujinyakulia Sh Milioni moja kila mmoja baada ya kukopa kwa njia ya mtandao wa www.kopabayport.co.tz. Kulia ni Meneja Masoko na Mawasiliano wa Bayport, wakati kushoto ni Humud Abdulhussein, Msimamizi kutoka Bodi ya Michezo ya Kubahatisha Tanzania.

Akizungumza katika droo hiyo iliyofanyika jana jijini Dar es Salaam, Meneja Masoko na Mawasiliano wa Bayport Financial Services, Ngula Cheyo, alisema shindano lao limepokewa vizuri na wateja wao, waliopata urahisi wa upatikanaji wa huduma za mikopo kutoka kwenye taasisi hiyo.

 Tunatafuta washindi wa kujinyakulia Sh Milioni moja kila mmoja kwa washindi watatu kutoka Bayport Financial Services. Ndivyo wanavyoonekana kusema katika droo hiyo ambapo washindi kutoka Njombe, Dar es Salaam na Bukoba wamechanua.

 Alisema awali wateja walilazimika kusafiri kuelekea kwenye tawi lao, lakini kuanzishwa kwa tovuti hiyo, kumetoa urahisi wa ukopaji kwa kiasi kikubwa mno, huku kila mmoja akiwa na uwezo wa kushinda endapo ataamua kutumia huduma hiyo.

Francis Cheka kukwaana na Mthailand jijini Dar es Salaam Mei 30

Na Mwandishi Wetu, Dar es Salaam
BONDIA Fransic Cheka atapanda ulingoni kwa mara ya kwanza kabisaa baada ya kutoka jera ambapo atacheza na Kiatchai Singwancha kutoka Thailand mpambano uho wa raundi kumi utafanyika katika ukumbi wa P.T.A Sabasaba jijini Dar es salaam,

Akizungumza matayalisho ya mpambano huo, promota Kaike Siraju alisema kuwa amejipanga vizuri kwani kila kitu kinaenda vizuri kwa ivi sasa ambapo mabondia wa utangulizi wote wanatarajia kusainishwa wiki hii mpambano uho utakaosimamiwa na chama cha ngumi za kulipipwa nchini P.ST chini ya rais wake Emanuel Mlundwawamesema kuwa wao wako tayali kwa mpambano uho na bondia wa Thailand ataingia nchini siku tatu kabla ya mpambano uho ambao uatavuta isia za wapenzi wengi wa mchezo wa ndondi nchini siku hiyo  Vicent Mbilinyi 'Sugu'  atavaana na  Keis Amal 

Katika mpambano huo siku hiyo kutakuwa na uzwaji wa DVD za mafunzo ya mchezo wa ngumi  kali pamoja na kutambua sheria zake zikiwa na mabondia wakali kama vile

Floyd Mayweathar,Manny Paquaio, Saul 'canelo' alverez, Mike Tyson, Mohamed Ali, Ferex Trinidad, Miguel Cotto na wengine wengi pia kuta kuwa na vifaa vya mchezo vitakaokuwa vikitolewa na Rajabu Mhamila 'Super D' kwa mabondia watakaofanya vizuri siku hiyo na vingine kuuzwa kwa pesa taslimu na kocha huyo kwa ajili ya kuamasisha

Aliyekuwa Mkurugenzi MUWSA, Cyprian Luhemeja aaga kwa ajili ya kuanza kazi rasmi DAWASC

Aliyekuwa mkurugenzi wa Mamlaka ya Maji safi na usafi wa Mazingira mjini Moshu (MUWSA) mhandisi Cyprian Luhemeja akizungumza na wafanyakazi wa mamlaka hiyo ikiwa ni pamoja na kutoa kauli ya kuwaaga baada ya kuteuliwa kushika nafasi ya Mtendaji mkuu  DAWASCO.

Kauli ya Mhandisi Luhemeja ya kuwaaga wafanyakazi hao ilionekana kama mwiba na kuzua simanzi kuu kwa watumishi hao waliofanya kazi na mkurugenzi huyo kwa kipindi cha mwaka mmoja na miezi 10.

Yanga kukabidhiwa ubingwa wake leo jijini Dar es Salaam

Na Mwandishi Wetu, Dar es Salaam

LIGI Kuu ya Vodacom Tanzania bara inatarajiwa kuendelea leo kwa mchezo mmoja utakaopigwa katika dimba la Uwanja wa Taifa jijini Dar es salaam, wenyeji timu ya Azam FC watawakaribisha Mabingwa wapya wa ligi hiyo msimu huu timu ya Young Africans.

Mechi hiyo no. 141 itachezeshwa na mwamuzi wa kati Jacob Adongo kutoka Mara, akisaidiwa na washika vibendera Frednand Chacha (Mwanza), Hellen Mduma (Dsm), huku mwamuzi wa akiba akiwa ni Hussein Kalindo (Dsm) na Kamisaa wa mchezo huo ni Damian Mabena kutoka Tanga.

Katika mchezo huo timu ya Young Africans itakabidhiwa Kombe lake la Ubingwa wa Ligi Kuu ya Vodacom Tanzania bara msimu wa 2014/2015, na mgeni rasmi anatarajiwa kuwa Waziri wa Habari, Vijana, Utamaduni na Michezo, Dr Fennela Mkangara.

Mchezo huo wa kesho unatarajiwa kuanza majira ya saa 11 kamili jioni, kwa saa za Afrika Mashariki na kati ili kutoa fursa kwa wadau, wapenzi na mashabiki wa mpira wa miguu nchini kujitokeza kushudia mchezo huo pamoja na shamrashamra za kukabidhiwa kikombe.

Young Africans watakabidhiwa Kombe la Ubingwa wa Ligi Kuu ya Vodacom msimu huu na mgeni rasmi, huku wadhamini wa ligi hiyo kampuni ya simu za mkononi ya Vodacom wakimkabidhi zawadi mchezaji bora wa mwezi Aprili Mrisho Ngasa na fedha taslimu sh. millioni moja.

Kambi Mbwana amparua Dkt Kigoda kuhusu kitabu chake

Na Mwandishi Wetu, Handeni
MWANDISHI wa kitabu cha Dira na Tumaini Jipya Handeni, Kambi Mbwana, amemjia juu mbunge wa Handeni, mkoani Tanga na Waziri wa Viwanda na Biashara Dkt Abdallah Kigoda, kwa madai kuwa anajaribu kumziba mdomo ili wananchi waendelee kuwa vipofu wasiweze kuwawajibisha wananasiasa mizigo wasiokuwa na faida kwa wilaya hiyo kongwe yenye rasilimali lukuki.

Mbwana aliyasema hayo jana mjini hapa, ikiwa ni siku chache baada ya Dkt Kigoda kwenye mkutano wake wa hadhara uliofanyika Handeni Mjini katikati ya wiki iliyopita kuwataka wananchi wapuuze kitabu hicho, jambo lililoibua mvutano kwa wasomaji wa kitabu hicho na wanaoamini maneno ya Kigoda, ambaye ni mbunge wa jimbo la Handeni kwa miaka 20 sasa.

Akizungumzia hatua hiyo, Mbwana alisema kitabu chake hakijaandikwa kwa lengo la kumuonea wala kudhalilisha upande mmoja, ingawa alikiri kuwa mtu asiyekuwa na malengo ya kuwakomboa wananchi wake, kamwe hawezi kupata nafasi ya kukisifia kitabu hicho pekee kinachotoa dira na tumaini jipya kwa wananchi wa wilaya hiyo kongwe nchini Tanzania.

“Kwanza namshangaa Dkt Kigoda kwa sababu amedhihirisha upeo wake wa kufikiria umekuwa mdogo ndio maana anajaribu kuingilia kitabu hiki kinachoelimisha jamii sit u watambue changamoto zao, bali pia wajue namna bora ya kujikwamua kiuchumi.

Hii inakera na kuhuzunisha maana kama watu kama akina Kigoda wanaoaminiwa ni wasomi wazuri katika nchi hii wanashindwa kushirikiana na jamii yao ili kuwakwamua wananchi wao, ni kuonyesha kuwa uwezo wao kiakili na malengo ya kuwatumikia wananchi wao yamefikia ukingoni,” alisema Mbwana.

Akielezea kitabu hicho, Mbwana alisema Dira na Tumaini Jipya Handeni kimegusia mambo ya migogoro ya ardhi, shida ya maji, ukosefu wa chumba cha kuhifadhia maiti katika Hospitali ya Wilaya na mengineyo yanayoendelea kuwaumiza wananchi wa Handeni na Watanzania kwa ujumla, huku wakikipokea kitabu hicho kama mkombozi wao kutokana na aina ya kilichoandikwa ndani ya kitabu katika kipindi hiki cha kuelekea kwenye Uchaguzi Mkuu.

Kwa mujibu wa Mbwana, kitabu hicho kinapatikana sehemu mbalimbali za mkoa wa Tanga, kama vile Handeni, Korogwe, Tanga Mjini na baadhi ya maeneo ya jiji la Dar es Salaam, huku kikionekana kupokewa kwa shangwe na wananchi waliopenda hoja na suluhisho zake zilivyoongelewa kwa kina ndani ya kitabu hicho cha aina yake.

Ligi ya Tanzania Bara kuendelea wikiendi kwa Simba kuwavaa Azam, Ndanda kumenmyana na Kagera Sugar

Na Mwandishi Wetu, Dar es Salaam

LIGI Kuu ya Vodacom Tanzania bara inatarajiwa kuendelea mwishoni mwa wiki hii kwa michezo sita kuchezwa katika viwanja mbalimbali nchini, huku michezo mitatu ikichezwa siku ya jumamosi na michezo mingine mitatu ikichezwa siu ya jumapili.

Jumamosi katika Uwanja wa Sokoine wapinzani wa jiji la Mbeya, Prisons FC watakua wenyeji wa wagonga nyundo Mbeya City mchezo utaochezwa majira ya saa 10 kamili kwa saa za Afrika mashariki na Kati.

Katika Uwanja wa Nangwanda Sijaona wenyeji timu ya Ndanda SC watawakaribisha wakata miwa wa Kagera Sugar, huku jijini Tanga Mgambo Shooting wakiwa wenyeji wa maafande wa JKT Ruvu mchezo utakaopigwa kwenye Uwanja wa Mkwakwani.

Jumapili katika uwanja wa Taifa jijini Dar es salaa, Simba SC watawakaribisha Azam FC, mchezo ambao unatabiriwa kuwa na upinzani mkali kusaka nafasi ya pili ili mwakani kuweza kuwakilisha Tanzania katika michuano ya Kombe la Shirikisho barani Afrika.

Jijini Tanga wagosi wa kaya Coastal Union watawakaribisha timu ya Stand United kutoka mjini Shinyanga, mchezo utakaochezwa kwenye uwanja wa Mkwakwani, huku kwenye Uwanja wa Manungu mjini Morogoro wenyeji Mtibwa Sugar wakiwakaribisha maafande wa Ruvu Shooting.