Basi la Majinja lateketeza roho za watu zaidi ya 50 Mafinga

Na Mwandishi Wetu, Mbeya

MAAFA. Ajali kubwa na ya kusikitisha imetokea maeneo ya Changarawe, Mafinga kwa kuhusisha basi linaloitwa Majinja lililoangukiwa na kontena la gari ya mizigo, kufuatia kukwepa mashimo katika barabara hiyo. Basi hilo la Majinja lilikuwa linatokea mkoani Mbeya kuelekea jijini Dar es Salaam, ambapo zaidi ya watu 50 wanahofiwa kupoteza maisha.

Habari kutoka katia chanzo cha ajali hiyo zinasema kwamba ajali hiyo ni mbaya kiasi cha wenye roho dhaifu kushindwa kuiangalia kutokana na aina ya ajali yenyewe na jinsi ilivyoweza kupoteza roho za watu weng katika ajali hiyo.

Shuhuda aliueleza mtandao huu kwamba kontena hilo limeangukia basi hilo kiasi cha kuwapotezea maisha abiria wengi waliokuwa kwenye gari hilo. Taarifa zaidi ya ajali hiyo zinaendelea kutafutwa baada ya kupata upande wa jeshi la polisi mkoani Mbeya ambao ndio wazungumzaji wakuu.

Tanzania kuivaa Misri beach soccer Ijumaa hii

Timu ya Taifa ya Tanzania ya soka la ufukweni (Beach Soccer) inatarajiwa kucheza na timu ya Taifa ya Misri siku ya ijumaa majira ya saa 10 kamili jioni, mchezo utakofanyika katika klabu ya Escape 1 Msasani jijini Dar es salaam.

Kikosi cha timu ya Taifa ya Tanzania kinaendelea na mazoezi kujiandaa na mchezo huo, ambapo kwa takribani wiki mbili kipo kambini Bamba Beach wakijifua kwa mchezo huo.

Tanzania ilifuzu hatua ya pili baada ya kuiondoa timu ya Taifa ya Kenya kwa jumla ya mabao 12 -9, na endapo itafanikiwa kuwaota Misri, itafuzu moja kwa moja kucheza Fainali za soka la Ufukweni zitakazofanyika Visiwa vya Shelisheli mwezi April  mwaka huu.

Waamuzi wa mchezo huo ni Eid Haitham Eid Hassan (Sudan), mwamuzi msaidzi wa kwanza  Abaker Mohamed Bilal (Sudan), mwamuzi msaidizi wa pili Abdalla Hassain Hassaballa, mtunza muda (time-keeper) Boubaker Bessem (Tunisia) wakati kamisaa wa mchezo huo ni Khiba Herbert Mohoanyane kutoka Lesotho.

Nayo timu ya Taifa ya Misri inatarajiwa kuwasili Dar es salaam kesho (jumatano) mchana, ambapo itafikia katika hoteli ya Double Tree by Hilton iliyopo Masaki, huku waamuzi wa mchezo huo wakitarajiwa pia kuwasili kesho na kufikia katika hotel ya Protea Oysterbay.

Aidha siku ya alhamis makocha wa timu zote wataongea na vyombo vya habari katika ukumbi wa mikutano wa TFF uliopo Karume kuanzia majira ya saa 5 kamili asubuhi.

Mchezo wa marudiano unatarajiwa kufanyika wiki ijayo nchini Misri kati ya Machi 20,21 na 22 mwaka huu.

Kwa niaba ya familia ya mpira wa miguu , Shirikisho la Mpira wa Miguu nchini (TFF), inaitakia kila la kheri na ushindi timu ya Taifa ya soka la ufukweni (Beach Soccer) katika huo dhidi ya Misri.

Wakati huo huo michezo miwili ya Ligi Kuu ya Vodacom iliyokuwa iichezwe kesho (jumatano)  kati ya JKT Ruvu dhidi ya Young Africans katika uwanja wa Taifa, na Mgambo Shooting dhidi ya Azam FC uwanja wa Mkwakwani jijini Tanga imeahirishwa  na sasa mechi hizo zitapangiwa tarehe nyingine.

Wateja wa Bayport watakaokopa kwa njia ya mtandao online kushindania Milioni 1

Na Mwandishi Wetu, Dar es Salaam

WATEJA wa taasisi ya Kifedha ya Bayport inayojihusisha na mambo ya mikopo wanaweza kujishindia jumla ya Sh Milioni moja, endapo wataamua kukopa kwa njia ya mtandao wa www.kopabayport.co.tz, uliozinduliwa rasmi jana, jijini Dar es Salaam.

 Msimamizi wa michezo ya kubahatisha kutoka Bodi ya Michezo ya Kubahatisha Tanzania, Mrisho Milao kulia akipata  maelekezo kutoka kwa Mkuu wa Kitengo cha Mauzo ya mtandao Online) wa Bayport Financial Services, Zainabu Kalufya, katika uzinduzi wa huduma mpya ya mikopo ya haraka kwa njia ya mtandao kwa www.kopabayport.co.tz, uzinduzi uliofanyika leo Makao Makuu ya Bayport, jijini Dar es Salaam. Mteja atakayekopa kwa njia ya mtandao anaweza kushinda Sh Milioni moja. Picha kwa Hisani ya Bayport.

Akizungumza jana jijini Dar es Salaam, Meneja Masoko na Mawasiliano wa Bayport, Ngula Cheyo, alisema kwamba kuanzishwa kwa huduma hiyo mpya na ya haraka ni sehemu ya kuwapatia wateja wao na Watanzania kwa ujumla huduma bora na za kiwango cha juu.

Alisema uzinduzi wao wa huduma ya kukopa kwa mtandao (online), utawawezesha kwa kiasi kikubwa wateja wao kushinda Sh Milioni Moja, baada ya kuchezeshwa kwa droo ya kumtafuta mshindi.

“Sasa mtu anaweza kukopa kwa njia rahisi na kwa haraka zaidi endapo atakopa kwa njia ya internet, huku akiweza kujishindia Sh Milioni kutoka Bayport Financial Services.

“Naamini sasa wateja wetu wataendelea kufurahia huduma nzuri kutoka kwetu kwa ajili ya kurahisisha maisha, ukizingatia kuwa mikopo ya Bayport haina dhamana wala amana,” alisema.

Naye Msimamizi wa Michezo ya kubahatisha kutoka Bodi ya Michezo ya kubahatisha Tanzania, Mrisho Millao, alisema kwamba mfumo wa ukopaji kwa njia ya mtandao ya Bayport ni rahisi na nzuri, hivyo kila mtu anaweza kukopa na kujishindia zawadi hiyo ya Sh Milioni moja.

“Kila mtu anaweza kukopa na kushinda kutokana na mfumo uliokuwapo kuwa rahisi, maana mteja anaweza kutumia njia mbalimbali zenye mtandao kama vile kompyuta na simu za mikononi ambapo baada ya kutuma maombi, yatapokewa kwa haraka na wahudumu wao,’ alisema Millao.

Bayport ni taasisi ya kifedha inayojihusisha na mambo ya mikopo ambapo imefanikiwa kufungua ofisi katika mikoa na wilaya mbalimbali za Tanzania ili kuwafikishia karibu huduma zao.

Bayport Financial Services yazindua tovuti ya mikopo ya haraka, watakaokopa kwa mtandao kulamba milioni moja

Msimamizi wa michezo ya kubahatisha kutoka Bodi ya Michezo ya Kubahatisha Tanzania, Mrisho Milao kulia akipata maelekezo kutoka kwa Mkuu wa Kitengo cha Mauzo ya mtandao (Online) wa Bayport Financial Services, Zainabu Kalufya, katika uzinduzi wa huduma mpya ya mikopo ya haraka kwa njia ya mtandao kwa www.kopabayport.co.tz, uzinduzi uliofanyika leo Makao Makuu ya Bayport, jijini Dar es Salaam. Mteja atakayekopa kwa njia ya mtandao anaweza kujishindia Sh Milioni moja kutoka Bayport. Picha kwa Hisani ya Bayport.

 

TAASISI ya Kifedha ya Bayport Financial Services, yenye Makao Makuu yake jijini Dar es Salaam, Tanzania, imezindua tovuti yake ya www.kopabayport.co.tz, itakayowezesha wateja wake kupata mikopo ya haraka na kwa njia rahisi, huku mteja atakayekopa kwa njia ya mtandao akiweza kushinda jumla ya Sh Milioni moja kutoka kwenye taasisi hii.

Kwa kupitia tovuti hiyo,  watu mbalimbali wanaweza kupata huduma za Bayport, sanjari na kupata mkopo ndani ya saa 24 baada ya kuidhinishwa, huku akijibiwa ombi lake la mkopo, ndani ya masaa mawili tangu alipojisajiri kwa mara ya kwanza.

Akizungumzia huduma hiyo mpya ya mikopo ya haraka kwa njia ya mtandao jijini Dar es Salaam leo mchana, Meneja Masoko na Mawasiliano wa Bayport Financial Services, Ngula Cheyo, alisema kwamba huduma hiyo sasa itawawezesha wateja wao kukopa mahala popote atakapokuwa, tofauti na awali.

Baadhi ya wafanyakazi wa Taasisi ya Kifedha ya Bayport Financial Services kitengo cha Huduma kwa Wateja, wakiwajibika wakati wa uzinduzi wa huduma mpya ya mikopo ya haraka kwa njia ya mtandao onlinewww.kopabayport.co.tz, jijini Dar es Salaam leo.   

Alisema kuwa lengo la uanzisha kwa tovuti hiyo ya www.kopabayport.co.tz ni kutokana na kuweka sera ya mikakati ya kuwapatia huduma hiyo watu wengi iliwaweze kukopa na kujikwamua kiuchumi, ikiwa ni maalum kwa watumishi wa umma na wafanyakazi wa kampuni zilizoidhinishwa na Bayport.

“Bayport sasa imezidi kupiga hatua, kwa sababu mteja wetu hata kama akiwa nyumbani kwake, kwa kupitia huduma yetu hii anaweza kujisajiri na kukopeshwa anachokihitaji kutoka kwetu bila kupata usumbufu wa aina yoyote.

MAUAJI YA ALBINO:Bayport waliposhikwa na uchungu wa mauaji ya albino

Na Kambi Mbwana, Aliyekuwa Mwanza
MAUAJI ya albino yameendelea kushika kasi katika viunga mbalimbali vya nchi yetu, zaidi yakitokea pia kwa mikoa ya Kanda ya Ziwa, kama vile Mwanza, Geita na maeneo ya jirani.

Mbunge wa Viti Maalum, Al Shaimar Kweigyir akizungumza na Ester Jonas, aliyelazwa Hospitali ya Bugando aliyejeruhiwa kufuatia tukio la uporwaji wa mtoto wake Yohana Bahati. Kulia kwa Mbunge ni Meneja Mauzo wa Bayport Financial Services Kanda ya Ziwa, Lugano Kasambala, akiwa na watumishi wengine  wa taasisi hiyo jijini Mwanza.

Mbunge wa Viti Maalum, Al Shaimar Kweigyri (katikati), akizungumza na binti aliyekutwa nyumbani kwa Ester Jonas, mama wa albino Pendo Bahati aliyeporwa na haijulikani alipokuwa. Kulia kwake ni Meneja Mauzo wa Bayport Financial Services, Lugano Kasambala, aliyeambatana na mbunge huyo.

Kutokea kwa mauaji hayo si tu yanazua hofu kwa watu wenye ulemavu wa ngozi (albino), bali pia huichafua nchi yetu inayoaminika Tanzania ni kisiwa cha amani kulinganisha na
nchi nyingine Barani Afrika.

Leo hii watu wenye ulemavu wa ngozi wamekuwa na wasiwasi mkubwa wa uhai wao, licha ya kuwa na mapenzi makubwa na Taifa lao. Wakati hofu hiyo ikigubika nyuso za watu hao,
mashirika mbalimbali na viongozi wote wa serikali wamekuwa.

Miongoni mwa mashirika hayo ni Bayport Financial Services, taasisi ya kifedha inayojihusisha na mambo ya mikopo nchini Tanzania. Taasisi hii kwa kushirikiana na mbunge wa Viti Maalum, Al Sheimar Kweigyir, walifanya ziara katika Mkoa wa Mwanza, ili kujionea hali ya matukio ya ukatili kwa watu wenye ulemavu wa ngozi.

Katika ziara hiyo, Bayport na Mbunge Shaimar walimtembelea Ester Jonas, mama wa Yohana Bahati anayepata matatibabu katika Hospitali ya Bugando, jijini Mwanza, kufuatia
kujeruhiwa na watu waliompora mtoto wake huyo na kusababisha kifo chake.

Aidha, Bayport pia walimtembelea Sofia Juma, mama wa Pendo Emmanuel, albino aliyetekwa mkoani Geita na hadi leo haijulikani kama yupo hai au amekufa, licha ya Jeshi la
Polisi kutangaza kuwashikilia baadhi ya watu waliodaiwa kuhusika na tukio hilo la uporaji wa mtoto.

Akizungumzia safari hiyo, Meneja Mauzo wa Bayport Financial Services Kanda ya Ziwa, Lugano Kasambala, anasema kwamba wameguswa na kuumizwa na matukio ya mauaji ya albino yanayoendelea kutokea hapa nchini.

Times FM yatoa misaada Hospitali ya Mwananyamala, jijini Dar es Salaam

Mkurugenzi Mtendaji wa Times Radio Fm, Mr. Rehure Nyaulawa (kushoto) akimkabidhi msaada wa mashuka Mganga Mkuu wa Hospitali ya Mwananyamala Dk, Sophinias Ngonyani (kulia) mara baada ya Timu nzima ya Kipindi cha Maskani kilipopiga hodi hospitalini hapo kutoa misaada ya mashuka yapatayo 200 kwa ajili wodi ya akina mama na watoto. Msaada huo ilikuwa ni kuunga mkono maadhimisho ya wanawake duniani inayoadhimishwa leo Machi 8, duniani kote. Wanaoshuhudia ni Mbunge wa Kinondoni Mhe. Idd Azzan na Mkurugenzi wa Mazinat Bridal Maza Sinare. Kauli mbiu ya Maadhimisho ya Siku ya Wanawake Duniani ni 'Uwezeshaji Wanawake, Tekeleza Wakati ni Sasa'. PICHA ZOTE NA CATHBERT KAJUNA WA KAJUNASON BLOG.

Wakifurahia msaada.

Mtangazaji wa Kipindi cha Maskani ya Times Fm, Stanslaus Lambat (wa kwanza kulia) akiendelea kurusha matangazo live toka eneo la tukio.

Kampuni ya Urban and Rular Engineering wamtembelea Balozi Mulamula nchini Marekani

 Mkurugenzi na mmiliki wa kampuni ya urban and rular engineering ndugu Awadh Zuberi pamoja na ujumbe wake pichani wamemtembelea Balozi Liberata Mulamula, Kuanzia kushoto ni  ndugu Paula Mwafongo (Afisa Ubalozi uchumi),Bwa. Joseph Mnzanilla ,Mh.Bbalozi Mulamula,Bwa. Awadh Zuberi,Shemuni Halahala pamoja na ndugu Majid Zuberi wakiwa katika picha ya pamoja.

Mkurugenzi wa Urban and Rular  Engineering wa kwanza kulia ndugu Awadh  Zuberi na msaidizi wake Shemuni Halahala wakiwasili  Tanzania house ,ubalozini Washington, D.C.

Katibu wa Mbunge atoa shukrani kwa walioshirikiana naye kwenye msiba wa mama yake mzazi

Katibu wa Mbunge wa Viti Maalum, Al Sheimar Kweigyir (Semeni Kingaru) mwenye shati la mikono mirefu, akiwa kwenye mazishi ya mama yake mzazi Bi Kibibi Haji Pembe, aliyezikwa Machi 3, kijiji cha Misugusugu, Kibaha, mkoani Pwani.

"Nashukuru Watanzania wote walioshiriki kwa namna moja ama nyingine kufanikisha msiba na mazishi ya mama yetu kwa kutufanyia mambo mengi yenye kuleta ushirikiano kwa jamii kwa rambimbari zilizoonyesha kuguswa na msiba huu. Familia haina cha kuwalipa, isipokuwa kwa Mungu pekee.

Kwimba sasa kumekucha, hivi ndivyo ofisi mpya ya Bayport Financial Services inavyoonekana

Hivi ndivyo ofisi mpya ya tawi la 79 la Taasisi ya Kifedha ya Bayport Financial Services wilayani Kwimba, mkoani Mwanza inavyoonekana kwa mbele siku lilipozinduliwa rasmi mapema wiki hii, huku mgeni rasmi akiwa ni Vicent Emmanuel, Katibu Tawala wa wilaya ya Kwimba, hayupo pichani.

Katibu Tawala wa wilaya Mwanza, Vicent Emmanuel wa pili kutoka kulia, akiangalia matukio tofauti katika uzinduzi wa tawi la Bayport Financial Services, wilayani Kwimba, mkoani Mwanza. Kushoto kwake ni Meneja Mauzo wa Bayport Kanda ya Ziwa, Lugano Kasambala. Kulia kwa Katibu Tawala ni OCS Adam Amir, akiafutiwa na Meneja wa Bayport Mwanza, August Tesha. Bayport wamezindua tawi la 79 nchi nzima kwa ajili ya kusogeza huduma karibu na wananchi.

Wadau wamtembelea balozi mstaafu Mustafa Nyang'anyi nyumbani kwake Washngton nchini Marekani

Mkurugenzi na mmiliki wa Kampuni Urban and Rular Engineering ndugu Awadh Zuberi ,pamoja na wasaidizi wake walipomtembelea balozi mstaafu Mustafa nyang'anyi nyumbani kwake Washington, kuanzia kushoto ni Awadh Zuberi, Shemuni Halahala,Balozi Nyang'anyi, Zuberi Athumani.

MGODI UNAOTEMBEA:Ni punguani pekee anayefurahia kifo cha Kapteni Komba

Na Kambi Mbwana, Dar es Salaam

NAPOKEA simu ambayo nashindwa kuielewa. Simu hii inatoka kwa rafiki yangu anayeishi mjini Dodoma, anayejulikana kwa jina Mustafa Mussa Seiph. Kijana huyu ananiuliza juu ya habari za kifo cha Mbunge wa Mbinga Magharibi, Kapteni  John Komba.

Rais Jakaya Mrisho Kikwete, akimuaga marehemu Kapteni John Komba.

Komba amerafiki Dunia  huku akiwa anategemewa kwa kiasi kikubwa kwa jimbo lake la Mbinga Magharibi, bila kusahau Chama Cha Mapinduzi kinachojiandaa na Uchaguzi Mkuu utakaofanyika Mwezi Oktoba mwaka huu nchini kote.

Kuulizwa juu ya kifo cha Komba kiliendelea kutoka kwa watu tofauti waliokuwa wameshangazwa na habari hizo juu ya msiba wa nguli huyo wa muziki, ambaye mara kadhaa nyimbo zake zimekuwa zikitumika kwa matukio muhimu. 

 

Marehemu Kapteni John Komba, enzi za uhai wake

Baada ya kufuatilia katika vyanzo tofauti, hatimae nilikubali matokeo kuwa Kapteni Komba hatupo naye duniani, yani ametangulia mbele ya haki, Februari 28 katika Hospitali ya TMJ, jijini Dar es Salaam, akisumbuliwa na ugonjwa wa kisukari. Ni majonzi makubwa kumpoteza mtu kama Komba, hii ni kutokana na umuhimu wake ndani ya Chama Cha Mapinduzi (CCM).

Katika kufuatilia suala la kifo cha Komba, mtu anaweza kufika mbali kwa kuona ni bora angebaki yeye na kuondolewa watu kadhaa ambao kwa namna moja ama nyingine wamekuwa wa kawaida ndani ya chama na serikali kwa ujumla.

Hata hivyo, wakati tunaendelea kuomboleza kifo cha Komba, wanajitokeza wachache wenye roho mbaya na kufurahia kifo chake. Kwanini? Ni binadamu gani mwenye roho ya utu anayeweza kufurahia kifo cha binadamu mwenzake?

Hata jamii hiyo inatofautiana kisera, kidini au kiitikadi bado si sababu ya kuona mtu anashangilia kifo cha mwenzake, kama anavyoweza kushangilia mnyama aliyeangushwa. Nchi yetu yenye amani na utulivu, watu wa aina hii wanatokea wapi.

DC Makonda sasa aunda Kamati ya kushughulikia migogoro ya ardhi Kinondoni

Na Mwandishi Wetu, Dar es Salaam.

Mkuu wa Wilaya ya Kinondoni, Paul Makonda pichani, amesema kuwa wilaya ya Kinondoni inakabiliwa na changamoto migogoro ya ardhi ambayo inatakiwa kila mtu ambaye amenyimwa haki ya ardhi watapata kutokana na utaratibu uliopo.

Makonda aliyasema hayo hivi karibuni wakati ziara ya kutembelea wilaya hiyo, Makonda alisema asili ya migogoro hii inatokana hasa na mgongano wa uhalali wa umiliki pamoja na uvamizi wa maeneo ya wazi yaliyotengwa maalumu kwa shughuli za jamii ni changamoto ya muda mrefu na natambua juhudi nyingi zilizofanyika katika kutatua.

Makonda alisema moja ya mkakati wangu ni kufanya utatuzi unaohusisha taasisi zote muhimu ili kufupisha mlolongo unaowapotezea muda walioko kwenye migogoro na kuhakikisha mwenye haki anapewa haki yake bila kuyumbishwa.

Alisema anatenga siku moja ambayo ni ya Ijumaa kuwa siku maalumu ya kukutana na wananchi na kusikiliza matatizo yanayohusiana na Ardhi na utaratibu huu utaanza machi 6 mwaka huu na zoezi la uandikishaji kwa wale wanaohitaji kusikilizwa matatizo yao utaanza majira ya saa 3.

Makonda alisema Ili kupata ufumbuzi usio na shaka kamati ndogo itakayohusika katika kushughulikia matatizo hayo itaundwa na Katibu tawala wilaya (DAS) akiwa ni katibu, Mwanasheria wa Manispaa, Afisa Mipango miji, Afisa Ardhi.

Aidha alisema ili kufanya zoezi hili liwe na ufanisi na mafanikio ningeomba wananchi wafuate utaratibu kuanzia ngazi za watendaji wa chini kabla ya kufikisha kila muhusika ahakikishe amekuja na vielelezo vyote halali vinavyoweza kutumika katika kufikia uamuzi.

Wakazi na wananchi wilayani Kwimba wasogezewa huduma karibu yao

Na Mwandishi Wetu, Kwimba

TAASISI ya kifedha ya Bayport Financial Services inayojihusisha na mambo ya mikopo  imepongezwa na serikali  kwa hatua yake ya kufungua tawi wilayani Kwimba mkoani Mwanza.

Meneja Mauzo wa Taasisi ya Kifedha ya Bayport Financial Services Kanda ya Ziwa, Lugano Kasambala, akimuelekeza jambo Katibu Tawala wa Wilaya Kwimba, Vicent Emmanuel, katika uzinduzi wa tawi jipya wilayani humo, uliofanyika Machi 2 mwaka huu. Wengine ni maofisa wa taasisi hiyo, Ramadhan Hanafi na Monica Mwangoka. Picha na Mpigapicha Wetu.

Shughuli za uzinduzi huo zilifanyika Machi 2 mwaka huu, huku mgeni rasmi akiwa ni Katibu Tawala wa Wilaya ya Kwimba, Vicent Emmanuel, akiongozana na viongozi mbalimbali wa serikali wilayani humo.

Katibu Tawala wa wilaya ya Kwimba, Vicent Emmanuel, kushoto akikata utepe kuashiria kuzindua rasmi tawi jipya la taasisi ya kifedha ya Bayport Financial Services, wilayani Kwimba, mkoani Mwanza. Kulia ni Meneja Mauzo wa taasisi hiyo Kanda ya Ziwa, Lugano Kasambala. Picha na Mpigapicha Wetu.

Akizungumza katika uzinduzi huo, Katibu Tawala huyo wa wilaya Kwimba, Emmanuel alisema kwamba kufunguliwa kwa tawi hilo kutatoa huduma karibu na wananchi, kama njia ya kukuza uchumi wao kwa ujumla, zikiwapo fursa za kukopeshwa bidhaa mbalimbali, vikiwamo vyombo vya usafiri.

Alisema kwamba awali watu wa Kwimba walilazimika kusafiri umbali mrefu kupata huduma za mikopo, lakini sasa wamesogezewa huduma karibu, hivyo ni jukumu lao kutumia fursa hiyo kwa ajili ya kujinufaisha kwa ajili ya maisha yao.

“Serikali tunaipongeza Bayport Financial Services kwa hatua ya kuanzisha tawi hapa Kwimba, hivyo tunaamini kwa pamoja tutafanikisha maendeleo kwa watu wote kwa kupitia njia ya mikopo kwa watumishi wa umma na wafanyakazi waliodhinishwa,” alisema Emmanuel.

Naye Meneja Mauzo wa Bayport Financial Services Kanda ya Ziwa, Lugano Kasambala, alisema kwamba tawi lao limejipanga kutoa huduma bora kwa wakazi na wananchi wa Kwimba waliokuwa wakisafiri umbali mrefu kupata huduma zao.

Mama wa Katibu wa Mbunge afariki Dunia wilayani Kibaha mkoani Pwani

Na Mwandishi Wetu, Dar es Salaam

MAMA wa Katibu wa Mbunge wa Viti Maalum Al Shaimar Kweigyir Semeni Kingaru, anayeitwa Kibibi Haji Pembe, amefariki Dunia leo saa tano asubuhi akiwa na umri wa miaka 80.

Semeni Kingaru kulia ambaye ni Katibu wa Mbunge wa Viti Maalum, Al Shaimar Kweigyir, akiwa na mama yake mzazi Bi Kibibi Haji, ambaye amefariki Dunia leo asubuhi, wilayani Kibaha, mkoani Pwani.

Mama huyo amefariki nyumbani kwake kijiji cha Misugusugu,wilayani Kibaha, mkoani Pwani, baada ya kuugua kwa muda mrefu.

Mtoto wa marehemu huyo Kingaru ambaye ni Katibu wa mbunge Al Shaimar aliuambia mtandao huu kuwa mama yake atazikwa kesho saa 10 jioni kijijini hapo kwa ajili ya kumsitiri.

Alisema kuwa kwa wanaopenda kushiriki kwenye msiba huo watalazimika kushuka katika kituo cha kijiji cha Misugusugu ambapo ndipo sehemu atakapozikwa marehemu mama yake.

Msiba huo wakati unatokea, Kingaru alikuwa nchini Uganda katika majukumu yake na kulazimika kusitisha shughuli hizo kwa ajili ya kuwahi msiba wa mama yake.

TFF yatuma salama pongezi FMF, ligi ya Vodacom kuendelea Jumatano

Na Kambi Mbwana, Dar es Salaam

RAIS wa Shrikisho la Mpira wa Miguu nchini –TFF Bw. Jamal Malinzi ametuma salama za pongezi kwa Rais Boubacar Diara wa Shirikisho la Mpira wa Miguu nchini Mali (FMF) kwa kutwaa Ubingwa wa Afrika kwa vijana U17.

Katika salam zake mh. Malinzi amesema mafanikio mazuri waliyoyapata  FMF yametokana na uongozi bora, kamati ya utendaji na mipango thabiti waliyoiweka katika soka la Vijana.

Kwa kutwaa Ubingwa wa vijana Afrika U17, Mali wamepata nafasi ya kuliwakilisha Bara la Afrika kwenye fainali za U17 za Dunia nchini Chile pamoja na nchi za Afrika Kusini,Guinea na Nigeria.

Mali wametwaa Ubingwa wa vijana Afrika U17 baada ya kuifunga timu ya taifa ya vijana ya Afrika Kusini (Amajimbo's) kwa mabao 2-0.

Kwa niaba ya familia ya mpira wa miguu , Shirikisho la Mpira wa Miguu nchini (TFF), watanzania wanawapa pongezi  Shirikisho la Mpira wa Miguu nchini Mali (FMF) wa kutwaa Ubingwa huo.

Aidha Rais Malizi pia ametuma salam za pongezi kwa Rais wa Shirikisho la Mpira wa Miguu nchini Afrika Kusini (SAFA) Bw. Dany Jordaan kwa timu ya Amajimbo's kushika nafasi ya pili.

Amajimbo's ndio timu pekee kusini mwa Bara la Afrika watakaowaklisha kwenye fainali za U17 za Dunia nchini Chile.

Katika hatua nyingine, Timu ya Taifa ya Tanzania ya Sola la Ufukweni (Beach Soccer) iliyoingia kambini mwishoni mwa wiki Bamba Beach Kigamboni, inaendelea na mazoezi kujiandaa na mchezo dhidi ya timu ya Taifa Soka la Ufukweni ya Misri mwishoni wiki ijayo.

Maandalizi ya mchezo dhidi ya timu ya Misri yanaendelea vizuri Bamba Beach Kigamboni chini ya kocha mkuu John Mwansasu ambaye aliingia kambini mwishoni mwa wiki na wachezaji 14.

Makamu wa Rais Dkt Mohammed Gharib Bilal amuaga Kapteni John Komba aliyefariki mwishoni mwa wiki

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, wakeze Mama Zakhia Bilal na Mama Asha Bilal, wakitoa heshima zao za mwisho mbele ya jeneza lenye mwili wa marehemu, Kapteni John Komba, wakati wa shughuli za kuaga mwili huo zilizofanyika leo Machi 2, 2015 kwenye Viwanja vya Karimjee jijini Dar es Salaam. Baada ya shughuli hiyo mwili wa marehemu umesafirishwa kuelekea Kijiji cha Litui Wilayani Mbinga mkoa wa Ruvuma kwa maziko.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akisalimiana na Waziri Mkuu Mstaafu, Edward Lowassa, wakati walipokutana kwenye Viwanja vya Karimjee baada ya kuhudhuria shughuli za kuaga mwili wa marehemu Kapteni John Komba leo Machi 2, 2015. Baada ya shughuli hiyo mwili wa marehemu umesafirishwa kuelekea Jijini cha Litui Wilayani Mbinga mkoa wa Ruvuma kwa maziko. Picha zote kwa hisani ya Ofisi ya Makamu wa Rais (OMR)

DC Paulo Makonda aaanza kazi kwa kishindo wilaya ya Kinondoni

Mkuu wa Mkoa wa Kinondoni, Paul Makonda akisaini kitabu cha wageni katika shule ya sekondari Turian iliyopo katika wilaya ya Kinondoni wakati wa ziara yake ya kutembelea miradi ya Maabara katika sekondari za Wilaya yake. Aliyesimama nyuma yake ni Mkuu wa shule ya sekondari Turiani Mwalimu Betrice Mhando. PICHA ZOTE NA CATHBERT KAJUNA WA KAJUNASON BLOG.

Mkuu wa shule ya sekondari Turiani Mwalimu Betrice Mhando akitoa maelezo machache juu ya shule yake mbele ya Mkuu wa Wilaya aliyeongozana na viongozi mbali mbali wa Wilaya.

Mkurugenzi wa Manispaa ya Kinondoni, Eng. Mussa Natty akitoa maelezo kwa Mkuu wa Wilaya ya Kinondoni, Paul Makonda (wa kwanza kushoto) ambapo alisema miradi ya ujenzi wa maabara katika shule za sekondari katika wilaya hiyo itagharimu zaidi ya sh. bilioni 2. na kuwa ujenzi wake unasimamiwa na waataalamu waliobobea katika shughuli hiyo.

SIWEZI KUVUMILIA:Kalale pema Alex Massawe, Simba haijalipa fadhira zako hata kidogo

Na Kambi Mbwana, Dar es Salaam

KWA walioanza kufuatilia mpira wa miguu Tanzania, hakika watakumbuka kile kikosi cha Mabingwa wa zamani wa Tanzania Bara, Simba SC, katika Ligi ya Mabingwa Afrika mwaka 2003. Kikosi imara kilichowatoa timu ngumu ya Zamalek na hatimae Watanzania hao kuingia hatua ya robo fainali na kushangaza wengi.

Marehemu Christopher Alex Massawe enzi za uhai wake.

Kabla ya kuwatoa Zamalek, timu nyingi za Tanzania, ikiwamo Yanga walikuwa wakishindwa kuzitoa  timu za Misri. Kila walipokutana inakuwa mwisho wao. Ilishazoeleka, inapotokea Yanga au Simba wanacheza na Al Ahly, Zamalek na nyinginezo za huko tunauona mwisho wetu.

Kwa mwaka huo ikawa tofauti. Na walioifanya Simba ifuzu hatua hiyo ngumu ni mchezaji Christopher Alex Massawe, ambaye amefariki wiki iliyopita mjini Dodoma, alipokuwa akiishi nyumbani kwa mama yake na kuugua kwa muda mrefu.

Massawe aliugua sana kabla ya kufariki. Na kuugua kote huko hakuna msaada wowote uliomfikia mchezaji huyo kutoka kwa timu yake ya Simba aliyoichezea kwa mapenzi makubwa. Na Massawe alishawahi kulalamikia sana hilo, akiomba viongozi na wadau wa 

Simba wamkumbuke hata kwa macho tu ili wamfariji.

Hakika siwezi kuvumilia ninaposhuhudia nyota wa mpira wa Tanzania wanavyoishi kimasikini na wasivyokumbukwa kwa mazuri yao. Hivi kweli Simba yenye neema ya rasilimali wa watu na fedha pia, wanashindwa kuwakirimu wachezaji wao?

Hii inakuwaje? Kwa wachezaji kama akina Massawe, Emmanuel Gabriel, Juma Kaseja, Selaman Matola na wengineo wote waliokuwa kwenye Simba ile kiboko ya wa Misri ilipaswa waangaliwe kwa jicho pana ili walau kuwalipa fadhira zao.

Othuman Michuzi asherehekea kuzaliwa kwake kwa ujumbe moto moto

Napenda Kuchukua Fursa hii Kumshukuru Mwenyezi Mungu Mwingi wa Rehma na Mwenye Kurehemu kwa kunijaalia Uhai na afya njema hadi kufikia siku hii ya leo,ambapo ninayo furaha kubwa sana kwa kuongeza namba moja katika umri wangu,kwani bila yeye hakuna kitu chochote kinachoweza kufanyika.

pia nitakuwa ni mchoyo wa Fadhila iwapo sitotoa shukrani za kipekee kwa ndugu zangu woote (wakiwemo wazazi wangu wawili, Ankal Issa Michuzi, Ahmad Michuzi, Karim Michuzi, Ramadhan Michuzi, Ismail Michuzi, Ankal Macheka, Ai Michuzi, Zahra, Tatu, Sellah, Bobby, Noreen, Adam, Saleh na wengine wengi ambao sijawataja majina yenu hapa ila moyoni ninayo,na bila kumsahau mtarajiwa wangu wa ubani bi. Farida) kwa kuwa pamoja nami katika makuzi yaliyo mema hadi leo hii kufikia hapa nilipo.

Wakuu wa wilaya za Handeni na Lushoto watakiwa kushupalia migogoro ya ardhi

      

               Na Mwandishi Wetu, Tanga

MKUU wa Mkoa wa Tanga, Said Magalula pichani juu, amewataka wakuu wa wilaya mpya za Handeni na Lushoto mkoani hapa kuhakikisha wanawajibika ipasavyo kwenye maeneo yao ikiwemo kuipatia ufumbuzi migogoro ya ardhi na viwanja ambayo imeonekana kuleta manunguniko kwa wananchi.

Badala yake amewataka kuhakikisha wanasimamia haki kwa usawa ili kuweza kuondoa migogoro hiyo kwenye maeneo husika ikiwemo kuzipatia ufumbuzi changamoto nyengine ambazo.

Mkuu Mpya wa wilaya ya Handeni, Husna Rajab Msangi, Mkoani,  akiapishwa na Mkuu wa Mkoa wa Tanga,Said Magalula.

Alitoa wito huo jana wakati akiwaapisha wakuu hao wa wilaya ya Handeni,Husna  Rajabu na Mariam Juma wa Lushoto ambao waliteulwa hivi karibuni na Rais Jakaya Kikwete kushika nafasi hizo katika halfa iliyofanyika kwenye ukumbi wa Ofisi ya Mkuu wa Mkoa wa Tanga.

Alisema kuwa kimsingi wakuu hao wapya wanapaswa kwenda kufanya kazi kubwa kwenye wilaya walizopangiwa ili kuweza kuonyesha namna ya uwajibikaji wao katika jukumu hilo kubwa ambalo walipewa na Mkuu wa nchi.

   “Naombeni msimuangushe Rais akawa na maswali mengi kwa uteuzi aliowapa hakikisheni mnatimiza majukumu yenu kwa kusimamia shughuli za maendeleo kwenye wilaya zenu lengo likiwa kuzipa maendeleo “Alisema RC Magalula.