Ni zamu ya Mbeya kusakwa vipaji vya uigizaji

Kairuki asimikwa ubosi wa CCM Kilimanjaro

Katibu mkuu wa Umoja wa Vijana UVCCM  Sixtus Mapunda, akimsimika Naibu Waziri wa Sheria na Katiba Angellah Kairuki, kuwa Kamanda wa  Vijana wilaya ya Same mkoani Kilimanjaro.

Katibu mkuu wa umoja wa Vijana UVCCM, Sixtus Mapunda  akimsomea , Naibu waziri wa Sheria na Katiba Angellah Kairuki kiapo cha ukamanda.

Naibu waziri wa Sheria na Katiba Angellah Kairuki, akila kiapo cha kusimikwa kuwa kamanda wa umoja wa vijana UVCCM wilaya  ya Same.

Naibu waziri wa Sheria na Katiba  Angellah Kairuki  akizindua Shina la wakereketwa wa umoja wa Vijana Uvccm, baada ya  kusimikwa kuwa kamanda wa umoja huo wilayani Same.

Naibu waziri wa Sheria na Katiba Angellah Kairuki akiwa  kwenye picha ya pamoja na baadhi ya  viongozi wa timu za mpira, baada  ya kuwakabidhi vifaa vya michezo, kama njia ya kuwaunganisha vijana
pamoja. Picha zote na Fadhili Athumani

SIWEZI KUVUMILIA: Siwezi kuwapongeza watoto wa mitaani kamwe

NA KAMBI MBWANA, DAR ES SALAAM

NASIKIA eti wale watoto wa mitaani waliokusanywa na kuelekea nchini Brazil wamepongezwa na serikali baada ya kunyakua Kombe la Dunia kwa watoto wanaoishi katika mazingira magumu.

Baadhi ya wachezaji wa mitaani  waliopata taji nchini Brazil.

Kama hivyo ndivyo, basi sisi tuna moyo wa ujasiri sana. Kwa maana tumekubali kuwa suala la watoto wa  mitaani Tanzania limemea kiasi cha kukosa mbinu mbadala ya kupambana nalo.

Hii ni kazi kubwa. Tanzania nchi yenye wingi wa vipaji, tunahitaji kuwa na sera nzuri kwa ajili ya kuendeleza michezo, kama kweli tunataka kupiga hatua.

Huo ndio ukweli. Vinginevyo siwezi kuvumilia, kwasababu naona porojo, siasa, huku tukiwa wepesi kutafuta maeneo ya kupigia picha.

Kwanini nasema hivyo? Hata hawa watoto wa mitaani wanaopongezwa leo kwa kuchukua taji hilo, baada ya mwezi mmoja pengine wakawa wamerudi mtaani kuendelea na maisha yao magumu.

Mwakani watachukuliwa wengine, ukizingatia kuwa ni wengi kuliko wale wanaoishi maisha mazuri. Tukiendelea na mtindo huu, Watanzania hatutakuwa na  

mafanikio katika michezo zaidi ya kusubiria kuokoteza watoto na kuwasafirisha nchi za wenzetu na kuwatelekeza wakirudi.

DRFA wawapongeza Azam kwa kutwaa ubingwa wa Tanzania Bara

Na Mwandishi Wetu, Dar es Salaam

CHAMA Cha Mpira wa Miguu Mkoa wa Dar es Salaam (DRFA) kimeipongeza timu ya Azam FC kwa kufanikiwa kwa mara ya kwanza kutwaa ubingwa wa Ligi Kuu ya Tanzania Bara msimu wa 2013/2014.

Nyota wa Azam waliofanikisha ubingwa wa Tanzania Bara msimu huu.

Azam FC ilijihakikishia kutwaa ubingwa huo Jumapili baada ya kuifunga timu ya Mbeya City mabao 2-1 katika mchezo wa ligi hiyo uliochezwa kwenye Uwanja wa Sokoine.

Ofisa Habari wa DRFA Mohamed Mharizo alisema jijini Dar es Salaam leo mchana kuwa ubingwa huo wa Azam ni kielelzo cha kujituma kwao na kuwa na ushirikiano na walistahili kutwaa taji hilo.

“Kwa niaba ya DRFA nachukua fursa hii kuwapongeza wachezaji, benchi la ufundi na viongozi wa timu ya Azam FC kwa ujumla, kwa kufanikiwa kutwaa ubingwa wa Ligi Kuu Tanzania Bara.

“Ni imani yetu DRFA kuwa timu hiyo itawakilisha vyema nchi katika michuano ya Klabu Bingwa barani Afrika, tunawatakia kila la kheri katika michuano hiyo.

“Lakini pia tunaipongeza Yanga kwa kushika nafasi ya pili katika ligi hiyo, nao tunawatakia kila la kheri katika michuano ya Kombe la Shirikisho. Sisi Mkoa tunafarijika sana kuona timu zetu za Mkoa wa Dar es Salaam zinavyofanya vizuri,” alisema.

Wagosi wa Kaya kuja na 'Bao na Gahawa'

Na Asifiwe George, Dar es Salaam

BAADA ya kimya cha muda mrefu wasanii wanaounda kundi la muziki wa kizazi kipya la Wagosi wa Kaya, limetoa vitu vipya vinavyokwenda kwa jina la 'Bao' na Gahawa.

Akizungumza Dar es Salaam jana, mmoja wa wanaounda kundi hilo

Fred Maliki 'Mkoloni' alisema kutokana na deni kubwa walilonalo kwa mashabiki wao wameamua kurudi upya katika tasnia hiyo.

"Kuthibitisha kuwa ujio wetu sio wa kubahatisha tumejiandaa vizuri kukabiliana na soko gumu la muziki hata upande wa albamu ambao unakimbiwa na wasanii wengi kwa sasa," alisema.

Alisema nyimbo zote mbili zimerekodiwa katika studio ya Tongwe Records na video zake zimeshootiwa Tanga na kampuni ya Ngome video chini ya muongozaji Mecky Kaloka.

"Ujio wa kazi hizo mbili ni wa moja kwa moja na video bila ya kuwachelewesha wasanii kupata ladha tuliyoamua kuirudisha katika tasnia baada ya kimya cha muda mrefu," alisema.

Yanga yaikandamiza JKT Ruvu bao 5-1 Uwanja wa Taifa

Timu ya Yanga SC leo imezinduka tena kwa kuwachabanga kwa jumla ya mabao 5-1 timu ya JKT Ruvu, mechi iliyochezwa katika Uwanja wa Taifa, jijini Dar es Salaam.

Mashabiki wa Yanga wakionekana kuwa wachache zaidi katika mchezo wa leo dhidi ya JKT Ruvu ambapo walishinda bao 5-1.

Katika mchezo huo, winga wa Yanga, Mrisho Ngassa alifunga bao tatu kwa dakika ya 8, 15 na 48, wakati goli la nne la Yanga lilifungwa na Didier Kavumbagu dakika ya 40, huku lile la tano likifungwa dakika ya 51 na Hussein Javu, wakati bao la kufutia machozi la JKT likifungwa na Idd Mbaga dakika ya 83.

Mechi ilianza kwa kasi, ila JKT walipunguza umakini na kuwapa nafasi Yanga kulishambulia lango lao mara nyingi na kufanikiwa kuibuka na ushindi mnono ambao pia umeibua matumaini ya kutetea ubingwa wao.

Super D apongeza pambano la ngumi Chalinze

Na Kambi Mbwana, Dar es Salaam

KOCHA wa mchezo wa masumbwi wa klabu ya Ashanti Boxing, yenye maskani yake Ilala, jijini Dar es Salaam, Rajabu Mhamila ‘Super D’, amesema kwamba kufanyika kwa pambano la Erick Magana na Mwaite Juma wilayani Chalinze ni sehemu ya kuendeleza mchezo huo na kuupatia mafanikio.

Pambano hilo limepangwa kufanyika Aprili 15 katika Ukumbi wa Ndelema Inn, mjini Chalinze, ambalo halitakuwa la ubingwa, huku ikiwa ni njia za kuweka harakati ya kuutangaza vizuri na kuurudisha kwenye hadhi yake ya siku zote.

Akizungumza jijini Dar es Salaam juzi, Super D alisema kwamba wadau wa ngumi wamekuwa wakishirikiana kwa mambo mengi, ikiwamo mbinu nzuri za kuuletea mafanikio makubwa mchezo wa masumbwi.

Alisema mapambano kadhaa ya utangulizi yatakuwapo likiwapo la Biglee Juma, Godfrey Sadick, Hussein Pendeza nao wakitarajiwa kupanda ulingoni kwenye patashika hiyo itakayokuwa na faida kubwa kwa wakazi wa Chalinze na Tanzania kwa ujumla.

“Tuna mipango kabambe ya kutangaza mchezo wa masumbwi katika nchi yetu, hivyo tunaamini kwa pamoja Chalinze watapata burudani kamili kutoka kwa vijana wao,” alisema.

Pambano limeandaliwa kwa ajili ya kuhamasisha mchezo huo nchini, ambapo kwa siku  hivi karibuni unaonekana kusua sua, hivyo hizi ni juhudi za kuuweka juu,” alisema.

Mchezo wa masumbwi umeendelea kuwekewa mikakati ya kuuweka kileleni baada ya kuonekana kuwa umeanza kusua sua katika kona ya ngumi nchini.

Somo la ufugaji wa kuku

MCHANGANUO WA KUANZA KUFUGA KUKU, KWA WALE WENYE MTAJI MDOGO NA WA KATI KUANZIA LAKI MBILI ( 200,000/=)..
Kwa hisani ya Mtaalam wa fedha wa Tanuri Media, Chuwa Freddie
Kwa mtaji mdogo kama laki na 60 mtu anaweza kuanza kwa kufuga kuku wa kienyeji na hawa lazima uwe na eneo ambalo utajenga banda kubwa liwe na banda la ndani na eneo la wavu na vieneo vya kutagia anaweza kununua vifaranga vya mayai 15 ambavyo ni elf 45 na majogoo 5 ambayo ni elf 12 na 500.

Mfugaji wa kuku akionekana pichani.

Kwani.vifaranga hivi.no.vikubwa na vinakua.tayar.vimefukuzwa na.mama yao so kufa ni ngumu...jumla hapo ni kama 57,500/-
hapo imebaki laki 1na elf 5 hizi bati laini zinauzwa 11,000/- mpaka 12000/- kwa bati 3 zinatosha ambapo ni 33,000/- hapo imebaki
72,000/- mabanzi 8 ni kama elf 40 hapa atanunua ya bei nafuu hapo imebaki elf 32,000/- hiyo inatosha misumari na waya/wavu hapo kale ka 160,00/- inakua imeisha inabaki gharama za fundi na chakula cha kuanzia
fundi ni kama 30,000/-
chakula cha kuanzia kwa kuku 20 wa kienyeji ni debe la pumba ambalo ni kama 10,000/-
vifaa kama vya kuwekea maji unaweza.hata kukata makopo ya maji ya kilimanjaro ukaweja maana hawa kuku ni wakubwa hawawez kuzama ili kuepusha gharama.
Sasa hiyo loss ya kama elf 40 tukadirie 50 itatoka wapi? hapa ndipo pakufata ndugu jamaa na marafiki sasa ukimpelekea mtu mchanganuo wako na ukamweleza nia yako na upungufu wako yupo atakaekuchangia elf 5 wengine 10 hatimae zinatimia.
hayo ndo mawazo yangu mimi ni mjasiriamali jamani anaehitaji ushauri nipo nimejaa tele kila la kheri vijana....