Vitanda vinajua siri nyingi za wapendanao

MAMBO FULANI MUHIMU

Na Kambi Mbwana, Dar es Salaam

UKIONA watu wanatembea asubuhi au tunapokutana nao maofisini, ujuwe kuwa si wote wanafurahia uhusiano wao au ndoa kwa wale waliobarikiwa jambo hilo, zaidi ya maumivu na kilio kila wakati.

Diamond na Wema Sepetu enzi za upendo wao

Wapo watu ambao kila muda wa kurudi majumbani mwao unapofika, hakika wanatamani wakati urudi nyuma ili waendelee kukaa maofisini mwao.

Aidha, kwakuwa hilo haliwezekani, basi wanaona suluhu kubwa ya kutuliza akili zao ni kukimbilia kwenye vijiwe vya kahawa au pombe na kukaa hadi usiku wa manane.

Mtuhumiwa wa mauaji ya Padri Mushi alivyofikishwa mahakamani leo Zanzibar

Mtuhumiwa wa Mauaji ya Padri Evarist Mushi wa Kanisa Katoliki Parokia ya Minara Miwili mjini Zanzibar, Omar Mussa Makame (35) akiwa katika Mahakama Kuu ya Zanzibar kabla ya kesi yake kutajwa mahakamani hapo.

Mtuhumiwa wa Mauaji ya Padri Evarist Mushi wa Kanisa Katoliki Parokia ya Minara Miwili mjini Zanzibar, Omar Mussa Makame (35) akiwa katika Mahakama Kuu ya Zanzibar kabla ya kesi yake kutajwa mahakamani hapo.

Mawakili wanaomtetea Mtuhumiwa wa mauaji ya Padri , Evarist Mushi wa Kanisa Katoliki parokia ya minara miwili mjini Zanzibar, Omar Mussa Makame (35) wakili Abdalla Juma (kulia) na Rajab Abdalla wakipitia majalada kabla ya kutajwa kwa kesi ya mteja wao katika mahakama Kuu Vuga mjini Zanzibar. Picha zote kwa hisani ya Francis Dande

DRFA yatangaza Ligi Daraja la Pili mkoa wa Dar es Salaam

Na Mwandishi Wetu, Dar es Salaam

CHAMA cha Mpira wa Miguu Mkoa wa Dar es Salaam (DRFA), kimetangaza kuanza kwa Ligi Daraja la Pili Mkoa wa Dar es Salaam, hatua ya sita bora.

Msemaji wa DRFA, Mohamed Mharizo

Ofisa Habari wa DRFA, Mohamed Mharizo, amesema hayo leo Aprili 5 kuwa ligi hiyo itaanza Aprili 9 mwaka huu hadi 31 katika viwanja vitatu vya Shule ya Sekondari Benjamin Mkapa, Kinesi na Makurumla.

Bonanza la waandishi wa Habari sasa kufanyika kesho Leaders Club

Kama burudani ni kwa Mzee Yusuph, Msondo Ngoma na Extra BongoJuma Pinto Mwenyekiti wa Chama cha Waandishi wa habari za michezo TASWA akitangaza bendi ya muziki itakayotumbuiza kwenye bonanza la waandishi wa habari litakalofanyika Aprili 6 Jumamosi kwenye viwanja vya Leaders jijini Dar es salaam, kulia ni Katibu Mkuu wa TASWA Amiri Mhando na kulia ni Doris Malulu Ofisa Uhusiano TBLWanamuziki wa Bendi ya Extra Bongo wakiwa katika mkutano huo.Ally Choki Mzee wa Farasi kutoka bendi ya Extra Bongo akizungumza na waandishi wa habari kwenye mkutano uliofanyika kwenye mgahawa wa City Sports Lounge kulia ni Super Nyamwela mnenguaji wa bendi hiyo kutoka  kushoto, Katibu Mkuu wa TASWA Amiri Mhando, Mwenyekiti wa TASWA Juma Pinto na  Doris Malulu Ofisa Uhusiano TBL.

Uwanja wa kisasa wa Yanga ni zaidi ya burudani ya soka Tanzania

Na Kambi Mbwana, Dar es Salaam

KAMPUNI ya Beijing Construction Engineering Group, jana imeonyesha rasmi picha za Uwanja Mpya wa Yanga utakavyokuwa mara baada ya kuingia mkataba wa ujenzi wake mwishoni mwa mwezi ujao kwa ajili ya kufanikisha ujenzi huo.

Uwanja mpya wa Yanga utakavyoonekana baada ya kukamilika.

Uwanja huo utakaokuwa na hadhi ya aina yake, utajengwa kwa thamani waya zaidi ya Dola Milioni 50, huku ukichukua eneo la hekta 11.5 katika eneo lote la Yanga, Jangwani City.

Akizungumza jana jijini Dar es Salaam katika kikao cha viongozi wa Yanga, kilichoongozwa na Mjumbe wa Bodi ya Udhamini ya Yanga, Francis Kifukwe, Meneja Msaidizi wa kampuni hiyo iliyojenga pia Uwanja wa Taifa, Zhang David Chengwei, alisema kuwa kukamilika kwa ujenzi huo itategemea na makubaliano kutoka kwa Yanga.

Yanga inatisha. Shuhudia Uwanja wao utakavyokuwa baada ya kukamilika.

 Huu ndio Uwanja Mpya wa Yanga utakaojengwa na Kampuni ya Beijing Construction Engineering Group mapema mwaka huu. Mkataba wao utaingiwa mwishoni mwa mwezi wa tano.

 Francis Kifukwe kulia anapewa somo na wataalamu wa Kampuni hiyo.

 Mdau Sofia Ashery kutoka Gazeti la Uhuru kulia akifuatilia kwa karibu mazungumzo ya ujenzi wa Uwanja wa Yanga.

 Katibu Mkuu wa Yanga, Lawrence Mwalusako wa tatu kutoka kushoto mstari wa kushoto akifuatilia kwa karibu mazungumzo na kampuni watakayoipa kazi ya ujenzi wa Uwanja wao.

Naibu Waziri Angellah Kairuki atoa neno Habari Group

Naibu Waziri wa Sheria na Katiba, Angellah Kairuki akifafanua jambo mbele ya waanzilishi wa kikundi cha Habari Group kinachojihusisha na mambo ya ujasiriamali.

 Tumeelewana jamani?

 Natoa hoja, ila siombi kura jamani... Rabia Bakari akifafanua jambo walipokutana na Angellah Kairuki.

 Rabia Bakari, mratibu wa Habari Group akimwaga maneno

Na Mwandishi Wetu, Dar es Salaam

NAIBU Waziri wa Sheria na Katiba, Angellah Kairuki amewataka
wanachama wa kikundi cha waandishi wa habari cha kujikomboa
kiuchumi (Habari Group) kupendana na kuaminiana ili kukifikisha
kikundi hicho mbali.

Kairuki ambaye pia ni mlezi wa Habari Group, alikitaka kikundi hicho
kutokuwa wachoyo wa kusaidia waandishi wa habari wengine wenye nia ya kuungana na kufanikiwa kimaisha.

Picha za vurugu za Kawe zilivyochanganya watu baada ya mwananchi kuuwa

Moshi wa mabomu ya machovu kwa mbali,Mabomu na risasi za moto zilirindima eneo la kawe jana baada ya wananchi kuvamia kituo cha polisi baada ya muendesha bajaji mmoja kuwawa na mwanajeshi wa jeshi la wananchi wa tanzania hali iliyowalazimu polisi kutumia nguvu kupambana na wavamizi hao.

Waandamaji waliamua kufunga barabara kwa kupanga magogo na vitu vingine wakati wa mapambano hayo na jeshi la polisi

Japhet Kaseba ajipa matumaini katika masumbwi

Na Kambi Mbwana, Dar es Salaam

BONDIA wa ngumi za kulipwa nchini, Japhet Kaseba, amesema kuwa kwa sasa uwezo wake unaonyesha umezidi kuimarika katika mchezo wa masumbwi kutokana na kufanya mazoezi ya kutisha.

Akizungumza mwishoni mwa wiki jijini Dar es Salaam, Kaseba alisema kuwa amekuwa kwenye mikakati ya kuwa juu katika masumbwi, jambo linalomfanya asifanye mzaha katika mazoezi.

Japhet Kaseba

DC Muhingo ashauri 'Niache Nisome' iwalinde wasichana kielimu

Mkuu wa Wilaya Handeni, Muhingo Rweyemamu

Na Thehabari.com, Handeni
MKUU wa Wilaya ya Handeni, Muhingo Rweyemamu ameshauri kampeni aliyoianzisha wilayani humo yenye kauli ya 'Niache Nisome' kupambana na mimba kwa wanafunzi ikiwa ni pamoja na kutoa elimu kwa jamii juu ya umuhimu wa elimu, iwe taasisi na kufanya shughuli zake nchi zima.

Rweyemamu aliyasema hayo hivi karibuni alipokuwa akifanya mahojiano na mwandishi wa habari hizi juu ya hali ilivyo kwa sasa ya matukio ya mimba kwa wanafunzi na kukatishwa masomo, vitendo ambavyo alivikuta vikishamiri eneo hilo hasa mwanzoni mwa mwaka jana kabla ya uteuzi wa nafasi hiyo.

Msanii Shilole,Hellen Kazimoto wazua jambo jijini Mwanza kwa kuwamwagia radhi Wazungu

Vijana wa Skylight Band Kutoka kushoto ni Sam Mapenzi, Joniko Flower na Sony Masamba wakijitambulisha kwa mashabiki wa Band hiyo kwa staili ya aina yake jijini Mwanza katika ukumbi wa Villa Park Resort Jumatatu ya Pasaka

Aneth Kushaba AK 47 , Sam Mapenzi na Mary Lukas wakitoa burudani kwa wazi wa Mwanza.

Mary Lukas, Sony Masamba na Aneth Kushaba AK 47 wakitoa burudani kwa wakazi wa Mwanza.

Mashabiki wakicheza huku wakichukua picha za ukumbusho.

Taharuki ya vifo vya watu zaidi 18 mgodini Arusha

Mwili wa dereva wa lori moja kubwa lenye ujazo wa tani 18 ukiwa umeopolewa na askari jeshi, tayari kupelekwa mochwari ya Hospitali ya Mt Meru. Dereva huyu ametambulika kwa jina moja tu la Alex amefikwa na mauti akiwa ndani ya gari hilo wakati vijana wengine wakiendelea kupakia moram asubuhi ya leo

Baadhi ya wananchi waliojitokeza kushuhudia ajali hiyo mbaya wakishangaa zoezi la uokoaji na wengine wakisubiri kutambua ndugu zao, jambo ambalo halikupata nafasi

Meya wa Manispaa ya Arusha, Mh Gaudence Lyimo akisaidiana na vikozi vya jeshi katika zoezi la uokozi

Waandishi wa Habari za Michezo watolewa kamasi na wazee Zanzibar

Katibu Mkuu wa TASWA Taifa, Amir Mhando

Na Mwandishi Wetu, Zanzibar
TIMU ya Soka ya Waandishi wa Habari za Michezo Zanzibar (TASWA
Zanzibar) juzi ililazimishwa sare ya kufungana mabao 4-4 na timu ya wazee
wa Zanzibar ‘Zanzibar Veteran’ katika mchezo wa kirafiki uliochezwa
Amaan na kufurahisha watu wengi.

Mchezo huo ambao ni mjumuisho wa michezo ya wiki ya Pasaka ulichezwa
ukiwa na ushindani wa hali ya juu kwa kila upande kutaka kuondoka na
ushindi uwanjani hapo, huku wazee hao wakionyesha soka la uhakika na kuacha watu midomo wazi.

Wizara ya Maliasili yashikilia msimamo wa serikali, sakata la Pori la Loliondo

Waziri wa Maliasili na Utalii, Balozi Khamis Kagasheki.

Msemaji wa Wizara ya Maliasili na Utalii, George Matiko.

Na Mwandishi Wetu, Dar es Salaam

SAKATA la mgogoro wa Hifadhi ya Loliondo, limezidi kuchukua sura mpya, baada ya Serikali kupitia kwa Wizara ya Maliasili na Utalii kusema haitabadili uamuzi uliyotoa kuhusu Pori Tengefu la Loliondo, mkoani Arusha na kuwataka wanaharakati wanaochochea mgogoro huo kuacha mara moja kwa manufaa ya Taifa.

Tamko hilo la serikali, limekuja muda mfupi baada ya watu mbalimbali
kutoa maoni yao kwenye mitandao na vyombo vya habari kwamba uamuzi wa serikali kuhusu pori tengefu si sahihi.

Iddy Mkwera amtandika Ndula Muheza Tanga

Bondia Iddy Mkwera akinyooshwa mkono juu baada ya kumgalagaza Lucas Ndula wakati wa mpambano wa mabondia wa Dar na Muheza Mkwera alishinda kwa pointi mpambano hou wa raundi sita uliotahalishwa kwa ajili ya kuinua mchezo wa ngumi Wilaya ya Muheza  na kusherekea sikukuu ya Pasaka.

Bondia Iddy Mkwela wa Dar es salaam kushoto akimshambulia vikali mpinzani wake Lucas Ndula wakati wa mchezo wao uliofanyika katika uwanja wa jitegemee Muheza Mkoa wa Tanga Mkwera alishinda kwa pointi.

Kocha wa Kimataifa wa mchezo wa masumbwi nchini Rajabu Mhamila 'Super D' akiwa na mabondia wake walipotua katika wilaya ya Muheza Mkoani Tanga kwa ajili ya kwenda kuamasisha mchezo wa masumbwi katikati ni Iddy Nkwera na Martin Richard wote kutoka Dar es Salaam.

Wameamua kuiweka Tanzania kikaangoni

MGODI UNAOTEMBEA

Na Kambi Mbwana, Dar es Salaam

KABLA ya kuanza kufikiria labda kuna mkono wa mtu au Taifa kutoka nje ya nchi yetu, vyema tukaelewa kuwa siku zote mvunja nchi ni mwananchi mwenyewe, hasa kwa kuangalia jinsi baadhi yao wanavyokosa uzalendo na kutenda yasiyokuwa ya kiungwana.

Watu hao wamekuwa wakiendeleza kufanya vitendo vya kushangaza na kuogopesha kwa kiasi kikubwa, ikiwa ni njia moja wapo inayolitangaza Taifa letu vibaya nje ya nchi.

Rais wa Jamhuri ya Muungano wa Tanzania, Jakaya Mrisho Kikwete.

Tangu kupata Uhuru uliopatikana kwa harakati za viongozi wetu, akiwamo Baba wa Taifa, Mwalimu Julius Kambarage Nyerere na wapambanaji wengine, Tanzania ilijipambanua kuwa ni kisima cha amani. Soma zaidi....

Nyosh, Queen Suzy wazua jambo baada ya kukutwa chochoroni wakizungumza

Na Mwandishi Wetu, Dar es Salaam

RAIS wa Vijana Nyosh El Sadaat, ameibua hisia nzito baada ya kukutwa chochoroni na mnenguaji wake mwenye makeke jukwaani, Queen Suzy wakizungumza bila presha wala soni.

Queen Suzy akiwa na Nyosh Sadaat New Msasani Club jana usiku.

Tukio hilo lilibambwa na kamera yetu ya Handeni Kwetu jana usiku katika onyesho la FM Academia Wazee wa Ngwasuma lililofanyika katika Ukumbi wa New Msasani Club.

Rais wa Vijana, Nyosh El Saadat, alipobambwa na kamera yetu katika onyesho la bendi yao ya FM Academia jana, New Msasani Club.

Katika mazungumzo hayo, Queen Suzy alionyesha umakini mkubwa kujibu maswali ya mdakuzi wetu alipoulizwa alichokuwa anajadili katika giza lile la bosi wake, Nyosh.

“Kwani kuna ubaya gani mimi kuzungumza mahali hapa na Nyosh El Sadaat? Au unataka tuwe tunazungumza nini eneo hili,”? Yalikuwa ni majibu ya Suzy alipokuwa akiulizwa na mwandishi wetu aliyekuwa anawafotoa picha mfululizo bila ya wao kujua.

Nyosh El Sadaat anajiita kama Rais wa Vijana, huku akiongoza kwa majigambo katika bendi hiyo inayofanya vyema katika tasnia ya muziki wa dansi nchini, akisifia safari zake za mara kwa mara katika nchi za Ulaya kwa ajili ya kufanya shughuli mbalimbali.

Gambo Cup iwe chachu ya maendeleo ya michezo Korogwe

SIWEZI KUVUMILIA

Na Kambi Mbwana, Dar es Salaam

WADAU wa michezo, wakiwamo wa mpira wa miguu wanaelewa kuwa klabu za Simba, Yanga na nyingine za Ligi Kuu msingi wake mkuu upo kwenye ligi za mchangani.

Mrisho Gambo kushoto akishuhudia Ridhiwan Kikwete akikabidhiwa jezi za michuano hiyo ya Gambo Cup wilayani Korogwe.

Na kama hiyo haitoshi, pia msingi wake upo kwenye klabu zinazoshiriki Ligi ndogo, zikiwapo zile zinazoandaliwa na Shirikisho la Soka nchini TFF, zinazoitwa kama Ligi ya TFF.

Fid Q, Stamina wagombania demu Coco Beach

Na Kambi Mbwana, Dar es Salaam

WASANII wawili wa muziki wa Hip Hop nchini, Farid Qubanda Fid Q na Stamina, jana waliacha vituko katika Ufukwe wa Coco Beach, walipojionyesha dhahiri kuwa ni watu wa vitoto baada ya kujitoa mhanga na kuanza kugombania demu.

 Stamina akifanya mashambulizi kwa ajili ya kumpata demu jukwaani. Ilikuwa balaa.

 Hapa hawa wanafanyiwa usaili ili mmoja wapo atoke na mkali kati ya Fid na Stamina.

 Demu aliyewatoa udenda Fid Q na Stamina akifurahia jukwaani.

 Profesa Jay alikuwapo jukwaani katika tamasha la Vodacom Coco Beach

Afisa Uhusiano wa Vodacom Tanzania, Matina Nkurlu, akiwajibika kwa kupiga picha jukwaani.

Vituko vya wasanii hao wanaotamba katika tasnia ya muziki wa kizazi kipya vilianza baada ya kupanda jukwaani kuimba katika tamasha la wazi lililoandaliwa na Kampuni ya Simu za Mikononi ya Vodacom Tanzania, kwa ajili ya kufurahia Sikukuu ya Pasaka na wateja wao.

Awali, Stamina ndio alikuwa wa kwanza kupanda stejini kuimba, lakini baadaye Fid Q naye alikwea jukwaani kumpa kampani mkali huyo, jambo ambalo lilianza kuibua hisia za wajamaa hao wanavyopenda watoto, yani wachumba.

"Jamani watu wanasema kuwa sisi hatuwezi kutongoza kama wanavyofanya wale wenzetu, sasa nataka mtupandishie kimwali kikali tuanze kusema nacho ili tuonyeshe kuwa nasisi tunayeweza kupita hata hao wengine wa Bongo Fleva,” alisema Fid Q na kuanza kuleta misuko suko kutokana na mashabiki kuanza kuwafanyia fujo watoto wa kike wakitaka wapande jukwaani.

Hata hivyo, baada ya kupanda wasichana wapatao watatu, mmoja alianza kuimbiwa mistari ya papo kwa papo kwa nia ya kumlainisha, jambo ambalo lilifanikisha kumuangukia Fid Q na kumtia kwapani na kushuka nay echini ya jukwaa.

Hata hivyo, staili hiyo ilikuwa ya kimasiahara tu kwa ajili ya kufurahia siku ya Pasaka, na hata kama aliondoka naye, hakuna ubaya hasa kama wenyewe watakuwa wameridhiana baada ya kuonana katika jukwaa hilo.

Tamasha hilo linaendelea leo katika fukwe hiyo ya Coco Beach ambapo burudani mbalimbali kutoka kwa wakali wa muziki nchini, akiwapo Afande Sele, Mashujaa Music na wengineo wamepangwa kutoa burudani katika tamasha hilo la wateja wa Vodacom.